Mavhesi emuBhaibheri Ane Mukurumbira kubva kuna Kul Nmò 1

Pakurirana nevamwe

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Bnalà Jisas lu, monen, “Deng eles tngón Mà yóm kdawen mò du bélê ye yóm snólók ye yó, abay se tek sónen du yóm wen kwalisen mò du. Laen dù tagad kuy hentngón du he.

Bè yóm kestifun le, wen hloloen kul, monen, “Bê ye tagad mdó bè Jirusalim. Na ye na nangat ksuten bélê ye yóm deng tehe fasad Mà kuy, duhen yóm tódô blayen deng tehe gel tulónu kuy. Bong ke Jan kun, él yóm gel babtaysen kem tau. Okóm tek hilu kdaw ne duen bnabtays Dwata yu bè Tulus Dwata.”

Kogol yóm deng katay Jisas, botong fat folò kdawen tendo hton bélê le anì là buden megewu nawa le du yóm deng klowilen. Hol tógó mata le mton du, ne gel tulónen kul yóm kmò kogot Dwata tau.

Timbow deng kudél Jisas, ominen tódô ganag haway etta efet tódô lana lem mata le elem tum lobun.

Yóm igò le tolo hmunu temngel ebè longit, tódô ton le yó kem lewu tau mnes bukay mdà klohok le, ne mudél le ebélê le, mon le, “Yu kem tau lemwót bè Galili, moen de ke tlek ye mom temngel ebè longit? Tum Jisas deng haway etta tu koni, angat bud semfulék edini he. Hol lómón sem tu ne koni yóm angat kehtuntunen edini bè yóm angat bud kesfuléken.”