Mavhesi emuBhaibheri Ane Mukurumbira kubva kuna MÁFIYU 13

Pakurirana nevamwe

Kɛ́ nungái sítii taa Ngala ndaa wói ỹɛ́ni, laáva tí ngátɔ mba, ti gulangɔ́ɔ́ lé ngáá hakpá súwui sí í gúlani ndɔwɔlɔ́ vándai w̃a í bátɛi ngwala. Maa yélaitii tɔ táá faa váá kíya nɔ́ɔ hakpá súwui sítii ti lɛ́ingaa ti lɔkúla héiw̃aa yiláángi ɔ́ɔ́ ɣɛ́ mba ngáá puu sáángɔ, ti lɛ́ingaa puu ngɔ́hitangɔ, ti lɛ́ingaa vá tɔkúla héiw̃aa yiláángi ɔ́ɔ́ nuu yáá laahé bɛ́lɛ.”

Hakpá súwui sítii pa ti gúlani mbéinda ngali ngáli sapeítii ti ɣɛ́i na, ti gúlangɔɔ lé ngáá nungái sítii taá Ngala ndaa wói ỹɛ́ni, kɛ́ ndɛɛh̃úi h̃uu hái lííhɛlɛngi áá ɣɛ́ ti w̃a, ɛ́ɣɛ ndongí taa ɣɛ́ su ngáá ngeleí sí wuu bátɛitii, taá Ngalá ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí i hakpá fáleitii mboló láá yílini taa wáni.

Hakpá súwui sítii ti gúlai pele gaalɛ́i w̃a, ti gúlangɔɔ lé ngáá nungái sítii taá keela wói ỹɛ́ni kɔwɔ́ato Ngalángi w̃ásandai wa, kɛ́ tɛí ngátɔ mba. Sí taa ɣɛ́ mɛniní, nuí síí w̃ɔ́i taa ɣɛ́ ma Nyaama W̃ɔ́i aa va í kúla ti gi má.

Hakpá súwu vékaitii pa ti gúlani kɔtu wɔtú ndɔ́wɔlɔi w̃a, ti gúlangɔɔ lé ngáá nungái sítii taá Ngalá ndaa wói ỹɛ́ni tí lókohei mbu ngamá ngáá kooh̃unɛɛ. Kɛ́ sífaa ti hápei hítɛngɔ ɛi ɣɛ lá, faalɔ, taá lo nɔ́ɔ maa hái h̃u kpɛ́ɛ́. Ná faa bɔ́lunda áá vá tí yelé ɔɔ nungáá tí faa báma la ti w̃a ngáá sífaa tí lókoheingɔ Ngalá ndaa wói wu, taá lokogúla Ngala fái h̃u ngamá.

Jísu i mɔɔ ɣɛi náa ta, “Ngalángi w̃ásandai ɣɛ́ kíli gúlangɔɔ lé ngáá faanɛ́ɛ́ngi sí ɣɛ kíli. Siỹɛndópo yiláá tɔ́ wɔ́lɔ í ɣɛ́i na, i liiní í ngangímba wɔ́li ngwála lɔ ndɔɔwungɔ́ kpaalaí h̃u. Kɛ i mɔɔ maavɛ́lɛnga. Siỹɛndópoi ná gooh̃unɛ́ɛ́ngɔ i ɣɛi lá ngwala. Faalɔ, i liiní, í yaá wɔ́lingai kpɛ́lɛɛ mááɣɛ, í kpaalaí ná yáa.”

Aáva ná í ɣɛ́i áá fáha, ti lɛ́ingaa ti gúlani pele gaalɛ́i w̃a. Ti lɛ́ingaa ti gúlani kɔtu wɔtú ndɔ́wɔlɔi w̃a. Ná vólu, ti lɛ́ingaa ti gúlani mbéinda ngali ngáli sapeítii ti ɣɛ́i na. Kɛ́ ná fíli sú, hakpá súwui nái ti lɛ́ingaa ti gúlani ndɔwɔlɔ́ vánda w̃a. Sítii ti gúlani pele gaalɛ́i w̃a, w̃ɔniáitii tí vááni, tí tí bɔ́le. Sítii ti gúlani kɔtu wɔtú ndɔwɔlɔí w̃a, pɔlɔ́i aa ɣɛi ti wu bih̃í. Faalɔ, tí háleni fála fala sífaa pɔlɔ́i yakpɔ́tungɔ aa ɣɛi lá ti w̃a. Kɛ́ ná fowói í léveni, i hakpá fálei nátii kpandií bɔw̃álale, pɔlɔ́i yakpɔ́tungɔ aa ɣɛi lá ti w̃a. Ná vólu, sítii ti gúlani mbéinda ngali ngáli sapeítii ti ɣɛ́i na, ngali ngáli tufaí nátii tí háleni, tí hákpa fálei nátii mbololáá yíli. Sítii pa ti gúlani ndɔwɔlɔ́ vándai w̃a, ti lɛ́ingaa tɔkúla héi w̃aá yiláángi ɔ́ɔ́ ɣɛ́ mba ngáá puu sáángɔ, ti lɛ́ingaa puu ngɔ́hitangɔ. Ti lɛ́ingaa vá tɔkúla héi w̃aá yiláángi ɔ́ɔ́ nuu yáá laahé bɛ́lɛ.”

Bɛlɛ́ tí héi h̃u félengɔ ti ló batɛmá í ló su wíítii léve sɔ́wɔi í fólo ma. Naa h̃u lɔ́ ngáá ndé tevé mbélai ma ngáá ti tufa gbáámangaitii pulukúla hése, tí tí yíli ngáá ngi yíli yilá ngíla ti w̃ɔ́ fááw̃a. Ná vólu, ti wíítii yatɛ́mba, tí tí vu ní wótai h̃u.’ ”