Mavhesi emuBhaibheri Ane Mukurumbira kubva kuna من حكمة النبي سليمان 15

Pakurirana nevamwe

لمّا فيه زعل، الردّ اللطيف بهدّيه، أمّا الكلام القاسي فبقوّيه.

التقوى ومخافة اللّه هنّ للحكمة دليل، ولكن التواضع بيجي قبل هالتكريم والتكليل.

الكلام اللطيف متل ثمر الشجر الّي بردّ الروح، أمّا الكلام المسموم فبصيب القلب جروح.

أهداف بلا مشورة بتخيب، أمّا مع عدّة نصايِح فالمهمّة بتصيب.

لمّا يفرَح قلبَك، بنوِّر وجَّك، ولكن بس يحزَن قلبَك بتنسحِق نفسَك.

إنّ اللّه عليمٌ بصير، وهوّ رقيب على الصّالح والشرّير.

رزق قليل مع مخافة اللّه القيّوم، أفضل من كنز كبير مع مصايب وهموم.

بيعمل مشكل يلّي بسرعة بيغضب وبثور، أمّا لّي بالُه طويل فبهدّي المشكل لأنّه صبور.

عقل الصّالح بفكّر بالجواب قبل ما يعطيه، ولكن الطّالِح بينطق بحقد والشرّ معبّيه.