Mavhesi emuBhaibheri Ane Mukurumbira kubva kuna من حكمة النبي سليمان 13

Pakurirana nevamwe

بنال حكمة يلّي بعاشر فهمانين، وبينضرّ يلّي بصاحِب أغبيا جاهلين.

يلّي بصون لسانُه، بيِطوَل عُمرُه، أمّا يلّي بكتِّر حكي فبينتهي أمرُه.

لمّا الأب ما بأدِّب إبنُه يعني ما بحبُّه، ويلّي بحبّ إبنُه دغري بأنبُه.

الّي أملُه ما بيتحقّق، قلبُه بيحزَن وبيمرض، ويلّي أمنيتُه بتتحقّق، بتزيد حياتُه، وبيسعَد.

الإستقامة بتصون الرجُل الصّالِح، أمّا الشرّ فبيِعمي قلب العاصي الطّالِح.

الرّبح السريع بينقص وما بدوم، أما لّي بيجي من عرق الجبين فبزيد وبعوم.

الكِبريا بولِّد خِصام، أمّا بالتشاور فبصير فيه حكمة وسلام.

الصّالح بيترك ميراث للأحفاد، وثروة الضّالين فلا بدّ تروح لأتقى العباد.

الإبن الّي عندُه حكمة بيِقبَل من أهلُه النصيحة، أمّا المستهزيء، فلا بيسمَع إذا وبَّخوه ولا إذا حكوه بالمنيحة.

الفقر والذلّ ليلّي بيرفُض النُصح والتأديب، والكرامة والعزّ ليلّي بيِقبَل العتب والتأنيب.