1
यूहन्ना 19:30
बिलासपुरी नौआं नियम
KFSNT
फेरी तंजे यीशुये तिसजो चखीने बोल्या भई “सब किछ पूरा हुआ।” तां तिने अपणा सिर थल्ले खौ कित्या कने प्राण छड्डीते।
Yenzanisa
Ongorora {{vhesi}}
2
यूहन्ना 19:28
इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी
3
यूहन्ना 19:26-27
तंजे यीशुये अपणी माता कने अपणे प्यारे चेले जो तित्थी खढ़िरे देख्या, तां अपणिया माता ने बोल्या, “माता, ये तेरा पुत्र आ।” फेरी तिने अपणे चेले जो बोल्या, “ये तेरी माता इ।” तिस इ बगता ते सै चेला यीशुये रिया माता जो अपणे घरें लेईग्या कने अपणे पास रक्खया।
4
यूहन्ना 19:33-34
तंजे सै यीशुये लौ आये, तां तिन्हें देख्या, भई सै पैहले इ मरीगरा था। इस खातर तिन्हें तिसरियां लतां नीं तोड़ियां। पर तिन्हां चते इक्की सिपाईये यीशुये रिया बखिया च अपणा भाला मारया, तिसते जे ताहलूं इ खून कने पाणी निकल़या।
5
यूहन्ना 19:36-37
ये इस खातर हुआ भई, पवित्रशास्त्रा च लिखिरा वचन पूरा हुई जाओ, “तिसरी कोई बी हड्डी नीं टुटणी।” कने इक होर गल्ल पूई हुई सै जे पवित्रशास्त्रा च लिखिरी भई, “तिस्सो तिन्हें भाले ने बिन्हया, तिन्हां इ तिसखा देखणा।”
6
यूहन्ना 19:17
फेरी सिपाईयें यीशुये जो अपणे कब्जे च लेआ। तिन्हें तिसरा क्रूस तिसले खुद चकाया कने तिस्सो यरूशलेम नगरा ते बाहर खोपड़ी नौआं रिया जगह पर लेईगे, तिस्सो जे इब्रानी भाषा च गुलगुता बोल्या जां।
7
यूहन्ना 19:2
फेरी सिपाईयें कण्डेयां रा मुकट बणाईने तिसरे सिरा पर रख्या कने तिस्सो जामनी रंगा रा चोल़ा पैहनाया।