Mavhesi emuBhaibheri Ane Mukurumbira kubva kuna प्रेरितां 1

Pakurirana nevamwe

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

यीशुये तिन्हांजो जबाब दित्या, “तिस बगता जो जाणना तुहांरा काम्म निआं, तिन्हांजो जे पिता परमेशरे अपणे अधिकारा च रखीरा।

इक मौके पर, ताहली जे यीशु अपणे चेलयां सौगी रोटी खाया राँ था, तां तिने तिन्हांजो ये हुक्म दित्या, “यरूशलेम नगरा जो मता छडदे, पर पिता रे तिस वायदे रे पूरा हुणे रा इन्तजार करदे रौआ, तिसरे बारे च जे तुहें मेरते सुणी चुक्कीरे। काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”

यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।

ये गल्ल बोलणे ते बाद, ताहली जे चेले देख्या राँ थे तां परमेशर यीशुये जो चक्कीने स्वर्गा खौ लेईग्या, कने बद्दल़ें यीशुये जो तिन्हांरियां नज़राँ ते लुकोईत्या।

तिसरे जान्दे बगत तां जे सै स्वर्गा खौ देख्यारा थे, तां अचानक, दो माहणु चिट्टे कपड़े पैहनीरे तिन्हांरे नेड़े आईने खड़ीगे, कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”