Mavhesi emuBhaibheri Ane Mukurumbira kubva kuna Olóma 6

Pakurirana nevamwe

Ɛɛ́ɛŋ, bɛsoɛná bá gɛlɔgɔ bɛ́ lɔ́mɔ́ nigúe, kanɛ́ pááná ya Asaŋa go dugúnú ɛ lɔ́mɔ́ gɛɔyɔ gá medúgú miimée naá gibénebiginye gɛ́ɛgɛ na Yésu Kilítu, Daadáa bɛcɔ́.

Gɛlɔgɔ gɛ́ dɛ gɔnɔ́ nyó mánɛgɛna, mammana, no do gɔnɔ́ go ɔ́bɛnɔnɔ na Gicele, kanɛ́ no ná lɔ́mɔ́ go ɔ́bɛnɔnɔ na niibo ná Asaŋa.

Kɔ́ɔ, go giyuminye gɛ́cɔ́ naá nigúe nɛ́hɛ́, dɛ mba bɛ́ɛ́mbá miéelú olɔŋɔ nɛhɛ́. Kanɛ́ nigúmi ná Isée nɛ́ɛnɛ nɛ́ nɛ́ mbaá fúfúné Kilítusu go goŋaá bɛɛcɔ́ɔ tɔ́nɔ dɛ bɛa gɛpáa gá gɛɔyɔ.

No do gɔnɔ́ go ága nnyɔ́dɔ yɛnyɔ́ go go yɔgɔnɛnɔ gɛlɔgɔ aŋa bɛlɛŋɔ bá bidé bɛ́ lɔ́mɔ́ go go yɔgɔnɛnɔ gɛgáda. Kanɛ́ bííŋénéemú nɔnɔ go go yɔgɔnɛnɔ Asaŋa aŋa bigúénú bɛ́ɛbɛ bɛ́ lɔ́mɔ́ fúfúgéelú bɛ́ báá ncó gunde naá gɛɔyɔ. Ágá nɔnɔ nnyɔ́dɔ yɛnyɔ́ go go yɔgɔnɔ buelí bá go ŋanana besé.

Ŋgáa dɛ ɔ́bɔ bese go goŋaá: dɛ mba gɛ́ gilénée naá kolósi olɔŋɔ na Kilítusu gɛcóa gɛ́cɔ́ gá gɛɔyɔ, go goŋaá bogaaga bá gɛlɔgɔ naá nnyɔ́dɔ yɛcɔ́ bó bɛ́ɛmba níŋísídéelú, dɛ dɛ gɔnɔ́ bɔ́yɔgɔnɛnɔ gɛlɔgɔ aŋa bɛɔlɛ́.

Nɔ́ɔnɔ, bɛɛnyɔ́ɔ tɔ́nɔ bɔ́gɔ́lɔ́nɔ́ɔmɔ́ nɔnɔ aŋa begúe go gɛlɔgɔ, aŋa bɔgɔ́sɔ naá busío bá Asaŋa go gibénebiginye gɛ́ɛgɛ na Yésu Kilítu.

Kanɛ́ aŋa bó lɔ́mɔ́ nɔ́ɔnɔ, dɛ háanana go ándɛnɛna naá gɛlɔgɔ goŋaá Asaŋa á ba ŋanánáa niibo fundufundu o? Akɛ́ɛ, bó do báá nɔ́ɔnɔ, aŋa dɛ mbaá dómbá naá nigúe nɛ́ɛnɛ nɛ́ mbaá có ádóná na gɛlɔgɔ dɛ dɛ háánánáa go ɛ́dana naá busío na go lɔgɔ.

No íyimene no amɔ́ gɔ́ɔgɔ mɔtɔ a bííŋenemú sɔ́gɔ́ mɔtɔ go go mo yɔgɔnɛnɔ, a á bííyíe gɛɔlɛ́ gɛ́hɛ́: akɛ́ gó bɛ́ɛmba go gɛlɔgɔ gɛ́ɛgɛ gɛ́ có indenyemú naá nigúe, akɛ́ gó bɛ́ɛmba go ŋgɔ́bɛnɔ ya Asaŋa yɛ́ɛyɛ ɛ có indenyemú naá gɛɔyɔ gá botɛ́nɛ́ɛ, o lɛ́ gɔgɔ́ gɛɔlɛ́ gá mɔ́ɔnyɔ o báá ní iyídé.

No á lɛ cóá bɛɔlɛ́ bá gɛlɔgɔ, kanɛ́ godɔ́ɔdɔ yɛ́ɛyɛ no ɔ́bɛ́nɔ́ Asaŋa no báá gɔnɔ́ gumbene ɛsɔ́mɔ hɛ́ɛhɛ no lɔ́mɔ́ bɛáalú na odɛ́má uŋkimée, ŋgáa dɛ béhiigi Asaŋa go busío moánɛ. Kanɛ́ godɔ́ɔdɔ, no á húmé naá magálá má gɛlɔgɔ, no báá bííŋéné go go yɔgɔnɛnɔ botɛ́nɛ́ɛ.