Mavhesi emuBhaibheri Ane Mukurumbira kubva kuna Buk wa To̱ni̱a̱u̱ 2

Pakurirana nevamwe

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Aanycik nege e̱le̱tti̱ cigge̱k de̱mzi̱ne̱t ci to̱ni̱a̱u̱ ki wowonet cinne̱ng, ki du̱le̱ne̱t umune nga̱to̱de̱ ki lawinet.

Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

Ataman niko i̱ki̱ya̱ mului ci ogon ki lamlami ci a̱vvu̱wa̱n ta̱mu̱-kenga kiddera ce̱e̱z bali aavtte nege ke̱ do̱o̱k. Icinnet zin nege kaal cik ogon ki a̱ha̱tti̱ cik gwo̱o̱ya̱k ming engero kar zin ka̱vvu̱to̱ o̱o̱tti̱ne̱ cigge̱k do̱o̱k e̱co̱de̱ e̱co̱de̱. Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

Alute nege odohize reene ci Ce̱e̱z wa Ta̱mu̱ta̱dde̱no̱, kar zin kozolit da̱i̱ne̱t ce̱e̱zi̱nne̱, adakce talninta, zi̱nze̱tti̱nne̱ cik abunna, kar kinnatit Ta̱mu̱ta̱dde̱n oroot, kar zin ol do̱o̱k kirezit nogo. Kar Manyi kotorek ol cik a̱tu̱we̱ kurumtozik nogo odohize.

“‘Azi Ta̱mu̱ta̱dde̱n i̱i̱nya̱we̱ cik vu̱rrta̱k ne, ka̱du̱te̱k atin anna Vongiz cinanni ol do̱o̱k. A̱du̱wa̱k atin dooli cigunnek macik ki cik nga̱a̱ye̱k ol zoz cinanni. Ovvo atin logoz cigunnek acin kaal cik meelek o̱no̱zo̱we̱, kar bo̱do̱k ol wak macik ciggo̱k a̱ddi̱ki̱re̱ ko̱ kanyait o̱no̱zzo̱k.

Emena ol wak a̱tu̱ zoz ci Ye̱su̱ a̱gga̱wo̱ owowo ju̱rru̱m nga̱to̱de̱, eelo e̱le̱tti̱ kaale cik anyak nege. Utene kaal cik anyak nege ki i̱jjo̱ cigge̱k, aanycik zin nege ol cik amati.

Imma e̱e̱ti̱ ci awu zar cik Manyi, okko atin enne amuda ti̱ri̱ze̱ne̱t.’

Ukce atin koor kize o̱lla̱ ter okko nyelowi ukce ki̱bbi̱r ku̱tu̱gu̱ kiwagon gwa̱a̱ i̱i̱te̱ne̱ ci ngen Manyi ki̱ki̱ya̱ komize cinne a̱ddi̱ki̱re̱ ki di̱ngdi̱ngo̱n.