Mavhesi emuBhaibheri Ane Mukurumbira kubva kuna Budie Taatina 20

Pakurirana nevamwe

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Na lɛ́nu ka bekpine ƒui benye lɛgaboku lɛmɛni anumi, banamu ku benengu, na bébimi lɛku lɛdi béwi. Na básɔ bébimi ɔku ɔbambadi ɔni ndi ngba ɔku lɛnɔ béwi. Na lɛku lɛmɛni kemmo na baanu taatɛku bekpine ƒui litemi ɔkɛnku ala ani na bábla na bénweni bákya lɛku lɛmmɔ kemmo lɛlɔ.

Bekyuli bani ƒui nékpi ɛpu kemmo bási bálɛ. Na bekpine ƒui lɛnɔ báta bálɛ kekpine ku kɔƒiɔtɔ kemmo. Na Katɔti ɔ́tɛku ɔdi biala litemi ɔkɛnku ala ani na ɔ́bla lɛlɔ. Béti kukpi ku kekpine kammɔ ƒui bébo bátákya lɛgyavonku kemmo. Na ɔmɛni ndi kukpi kunyɔdi.

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Na si uwi ɔni na akwa apim unwi ammɔ ása ni, badubo Satan budie bɔsiku nwuna kasuudikɔ kakyakɔ mmɔ. Na ɔdubo ubatɔlɔ kalɔ lɛlɔ bekyuli bani nkya kayawi ekpo ƒui, na baalɔ-ma na lɛsugba kemmo banii Gog ku Magog. Na ɔdubɔsala-ma kalɛ na betékpo. Na bana bumomo bɔdubɔbla aani ɛpu kɔnwinimi.