Mavhesi emuBhaibheri Ane Mukurumbira kubva kuna Batalane Kabla 1

Pakurirana nevamwe

Nsu si uwi ɔni na Katɔti Kɔyu kúbo-mii kudɔ ni, kɔdubɔƒɔ-mii lɛlɔ kemmo ƒui na kɔdubɔkya-mii ɔyikun na bɛdubɔsu-mi lɛlɔ litemi na Yerusalem ku Yudea ku Samaria wetéduku kalɔ kawɔkɔ.”

Na Yesu ɔ́su-ma ɔnini, “Útalɛka bɛti uwi iye emeyi ani na mina Ɔti ɔ́su úse ka lɛla lɛdi lɛdubɔlɛ.

Uwi ɔni na bábasa lisu ni, úbo-ma ɔda ɔnini, “Bitatɔlɔ Yerusalem, mmomu binye bɛgya Katɔti Kɔyu bubo bɔni lɛlɔ na lɛ́su-mii lɛ́siku ka mina Ɔti ɔ́su úse ka wete-mii. Ɔsika Yohane anwu ni, ntu na úti ɔ́bla Katɔti ntu bɔkpila ɔdi ɔmmɔ úte bekyuli. Nsu na emeyi klukui adi kemmo ni, Katɔti ɔdubuti nwuna Kɔyu ɔkpila-mii.”

Na emeyi aavlene kemmo na nwuna kukpi kama ni, údie lɛlɔ ɔ́tina-ma kɔlɛ kɔlɛ ɔni na ɔ́tina geen ka ɔ́kya ngba. Ama bani nánu-nwu ni, ɔ́tɛmiku-ma ɔ́siku nwuna Ɔti lɛga kadikɔ ala lɛlɔ.

Na ɔmɛni bɔ́su kama ni, Katɔti úti-nwu ɔ́kɔliku katɔ na benye baanu-nwu útédu ka úduo kemmo na ɔ́yii-ma anumi.

Na ɔni benye baanu kayaa ni, kɔnakunwi nkyuli inyɔ badi bani nnyimi ala aƒualadi bédie lɛlɔ bátina-ma, na básu-ma banini, “Galileaƒuɔ, bi ɔsu na binye bɛɛnu katɔ lɛni? Yesu ɔni na Katɔti úti ɔ́siku-mii kudɔ úsienku katɔ mɛni ni, ɔsɔ ɔdubɔsi katɔ ubo-mii kudɔ aani kalɛ na bɛ́nu ka ɔ́si bina kudɔ úsie katɔ kalɛ kani.”