Mavhesi emuBhaibheri Ane Mukurumbira kubva kuna Timoteo 1 4

Pakurirana nevamwe

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.

Katɔti Kɔyu kuudie taasu-bu nwaa ka ni, asa na emeyi ekplodi adubudu ni, bekyuli badi badubɔlɛ bɔƒɔtaadi litemi geen lɛmɛni kama na basiaku ayu ekpidi katɔlɔ ku bani néti lɛlɔ béte ukisine ɔmmɔ ala bɔtina kama.

Anwuɔsu da lɛlɔ mami kɔbɔ ala batɛmine ku atɛ keeke ani neeebo kɔsia lɛlɔ. Na ataatɛya Katɔti etemila na asiaku-nya kama kpakplaa, na elie ngba buni aani ɔƒɔtaadine kalɛ.

Nye kpakplaa na ataaka Katɔti litemi lɛmmɔ na ataakɔ-ni lɛsa teete baƒɔtaadine ƒui. Na eteedie-ni kalɔ na ataatina-ma ala ammɔ wetédu uwi ɔni na mebo.