Mavhesi emuBhaibheri Ane Mukurumbira kubva kuna Abarooma 12

Pakurirana nevamwe

Ebiima byeeng'we muleheenge ohubifwaanania neende eby'abaandu bohu syaalo, ohutusaho mukaluuhane munyoole ebibaaso biyaaha. Ao muchia ohunyala ohumanya ebyo bi Nasaae adaha ebilai, ebimusangaasa haandi ebyoolerefu by'elalira.

Basyaange, ohweema hu sisa siingi si Nasaae yatudiirira, mbekweeda nimboola endi: Muweeyo emibiri kyeeng'we eyiri Nasaae kibe koti esiyaanwa silamu, esyoolerefu, haandi esisangaasa Nasaae. Ohwo nihwo ohwiinamira Nasaae hwomu mwooyo hu muhoyere ohumuberesa.

Lehe esuubi lyeeng'we libabeerese esangaalo, mube abaandu beesimiirisa mu bidinyu byeeng'we, haandi mwekongooyeenge buli siha.

Mutakanyaanga esibi ohubatuka; ohutusaho, muyiingireenge esibi nimuhola ebilai.

Heeraneenge neende emyooyo misangaafu koti abeebulanwa mu Kristo, haandi becheenge abeetekefu ohwiisaniamo oluyaali.

Obuheeri bweeng'we buhoyere ohubechaanga obw'obwadyeeri bweene. Muhaye esibi, nae mwomiirire hu silai.

Muteemeho koti lu sinyalihana, ohubona muti, muli neende omuleembe neende buli muundu.

Basyaange, omuundu yeesi n'abaholera esibi, mutetuungaanga nimumuholera esibi mwesi, ohutusaho leheenge etima lya Nasaae lyeene limutuunga. Olwohuba ebyandiiko byoolerefu biboola biti, “Omwaami aboola ati, njia ohuholera esibi oyo owuholera esibi, njia ohwetuunga.”

Muhole emirimo neende amaani, haandi mutaba abakata. Muhalaabanire Omwaami neende emyooyo kyeeng'we kyoosi.

Nae ohweema hu mbabaasi chi Nasaae yaamberesa koti esiyaanwa, mboolera buli muundu hweeng'we endi: Otabaasaangaho oti oli aakulu ohuhira koti lu oli. Ohutusaho, ba omuyenjeefu mu bibaaso byao, haandi buli muundu hweeng'we yeyire ohuloondakana neende efukiirira yi Nasaae yamuberesa.

Omuundu yeesi n'abaholera esibi, mutamutungaanga nimumuholera esibi mwesi. Muteemeho koti lu munyala ohuhola esiindu si buli muundu abona ati silai.

Muchuunirweenge buli muundu ataali ohukwiira abaandi. Mutehudumbasaanga, ohutusaho mufukiirireenge emirimo kyoosi kata kyahaba eky'aasi.

Ohutusaho, koti lu byandiiko byoolerefu biboola biti: “Enjala niyiluma abasuku beeng'we, mubabereseenge esyohulya; obuluwo nibubaluma, mubabereseenge esyohung'wa; olwohuba nimuhola mutyo, ao muba muchia ohukera esoni nyiingi chibadiire.”

Musabe Nasaae abereseenge ehabi abo ababalwaania. Mubwadyeeri bweene, mumusabe aberese abaandu abo ehabi ataali ohubaberesa ebibwaabo. Musangaalireenge alala neende abo abali mu sangaalo, haandi mulireenge neende abo abali ohulira.

Kabaneenge ebiindu byeeng'we neende Abakristo bamanani basyeeng'we, haandi bukaanireenge abakeni mu madaala keeng'we.

Huli neende ebituundu bikabuhaane hu mubiri mulala, haandi buli situundu siri neende omulimo kwaasyo. Mu ngeri nasilala, kata hwahaba nihuli abaangi, huli omubiri mulala mu Kristo, haandi fweesi hwambaanisibwa alala koti ebituundu bikabuhaane by'omubiri mulala.