Mavhesi emuBhaibheri Ane Mukurumbira kubva kuna Tim pa Jomoor 1

Pakurirana nevamwe

to wibino nwaŋo meni ka Cuny Maleŋ otieko loro kwoŋ win; aka wibino bedo jokony ma ridho wac paran i Yerusalem kodi i Yuda gipi, i Samaria, kodi i witum je ma piny.

Yesu owaco rijo ni, k'obedo tic mewin ŋeyo ndir kodi hongo ma Baba won oyiko gi meni pere

aka go omiyo jo or munyo nitie dhower gi jo ni, “Wikiri wieye Yerusalem; to kuri win gikenyo mic ma Were Baba ociko ma witieko winjo. Ato batisimo pa Yohana obedo gi pi, to wibino limo batisimo gi Cuny Maleŋ mafodi ndelo k'okadho mathoth.”

Go onyutho jo i yo madit paka go onyo kwo, munyo otieko candirok to tho; aka i hongo ma ndelo piero aŋwen gipi obedo munyo menyere rijo aka luwo rijo kwoŋ Ker pa Were

Munyo otieko waco ameno, joneno paka otiŋ go t'itero malo, cuka pondeponde oumo go ma jokinen.

Aka munyo fodi joyaro waŋ gin malo munyo joneno paka go kadho, piyo piyo j'ario ma joruko nangin matar jocungo kabuti jo. Jopenjo ni, “Win ji ma Galili, raŋo ma wicungo wiŋiyo polo? Kole Yesu me, ma okwany bongi win t'itero i polo, bino dwoko i piny ka i kite no won, paka wiwok neno go munyo kadho i polo.”