Mavhesi emuBhaibheri Ane Mukurumbira kubva kuna Aroom 12

Pakurirana nevamwe

Ni kan basi ate tɛŋzuk de wieŋa fɛ ni ate ni va ŋa ale a weeni diila. Ni basi ate Wen te ni popola paala ate ni tagri nalimnyiini. Dila dan nye, ni le baga a seba Wen ale a yaali diila. Wadek yaalika de ka yaali kaai ale nala a te wa suipeentik la. Ka ka yaali kaai mɛ ale magsi nalimnyiini la.

Dila nyiŋla, m suata, Wen ale ta jiirim ale ti la nyiŋ ate mi a saalim ni ayen, ni pai nidek meena ni ale diem vua la nye kaabka ase ni kpi kama la a te Wen. Ni vummu a yaa bo ka Wen nisima po ayen ni a tom tuima ale ni popo meena a te wa. Kaabka de a te Wen ka suipeentik. Wensie zulaŋa de choawa ate ku a fɛ ayen ni a te wa la.

Yiila ŋaai ate ni ta la, ni basi ate ŋa kasim a te ni suipeentik. Nyenyaka dan jam ni jigi ni ta chichiiba. Ni kasim a puusi Wen daa meena.

Ni kan basi ate wabaata nya suik a nak ni yiagi, ni basi ate wamaŋsa nak wabaata yiak basi.

Ni ta yaalika ale chaab, yaali kaai choa ale magsi ayen Kirisita suata ta ale chaab la, abe ni kan a limisi ayen ni vaanchoa a liŋ te ni zula, ni dɛ niŋ a te wa zula.

Ku a fɛ kama ate ni ta wensie yaalika ale nuruba. Kisi wa dii ale kan daa wamaŋ la, abe ni ŋmasi yik wa dii ale ka wamaŋ la.

Ni be pii nyiŋ meena ate ni boro ale masim ale waai meena.

M dek doaba, ni kan weeni nidek ayen, nuruwa de ale nye ate tama a nam dii nna la tama mɛ le nye wari a tuni wa. Ni pai ku meena basi ate Wen pai wa suipuurumu nye wari tuni kula nyɔnɔwa, ase Wen ale weeni dii wa gbaŋka po ayen, <<Ku ka mi wari ate m nye wari tuni baai ale a tom biem tuima la.>> (Teerika 32:35)

Ni kan ta nyiŋworuk ale Naawen vaka. Tom a te wa ale ninmuna nalimnyiini.

Wen ale te mi tiirim buui la nyiŋ ale soa ate mi a weeni ni meena ayen ni kan nya nidek ase nama gaam ni ale ka diila. Alege ku a fɛ kama ayen ni a poli ale yam abe ni wanyi wanyi a bo nidek buusa a magsi chaab ale Wen ale te ni siaka ate ka soa diila.

Nuru dan nye ni kaasi, nama mɛ kan pai kaasuŋ a tuni wa. Alege ni pii nyiŋ ate ni a tom wie ŋaai nyiini ate nuruba seba ayen ŋa ka wamaŋsa la.

Ni ta nɔiyeŋ ale chaab wie meena po. Ni kan ta kanjanta ale nuruba. Ni siak ate ni pai nidek a gum chaab ale nuru baai ate nuruba a poli ayen ba daa nuruba la. Ni kan poli a te nidek ayen nama ka yanta nyama.

Kɔm a dan ta fi dachiak te wa ŋandiinta, nyanyuila a dan ta wa, te wa nyiam. Dii nyiŋla, fi dan nye nyaŋa de a te wa, fi pai ka bolim kaala a vi wa zuk. (Wamagsima 25:21, 22)

Ni be niak baai ale a namsi ni la, ni ale ka Kirisita bisa la nyiŋ. Ni kan ka te ba. Baai sue dan peenti ni basi ate nama mɛ sue peenti ale ba. Baai mɛ sue ale kaasi la ni basi ate nama mɛ sue kaasi ale ba.

Ni suataŋa Kirisita bisaŋa wanyi a dan a yaali jaab ate nama ta, ni maari wa. Nuru waai a dan nyiem jam ni yeeŋa, ni tuesi wa nalimnyiini.

Nurubiik nyiŋ ta ka kabta tɔgatɔga nna yegayega. Kabtaŋa meena kunyikunyi a tom ka tuima tɔgatɔga. Suik kula po, tama mɛ piisi kama alege ti meena a nye ase ka nyiŋ yeŋ ale Kirisita la. Ti ka wanyi wanyi alege ti meena soa ka chaab.