Mavhesi emuBhaibheri Ane Mukurumbira kubva kuna Efisos 2

Pakurirana nevamwe

Wen abe ale nye ate ti chim ti ale ka dii yɔgyɔgla de la. Tama ale Yeezu Kirisita abe ale ka bunyi la, wa nye kama ayen ti a tom tuimaŋsa a te wa. Wa be poom gomsi tuimaŋa de a magsi kama a te ti.

Wen ŋmanteka nyiŋ ale soa ate ni nya varibasika ni siaka nyiŋ, daa ni dek nyiŋŋa, ka Wen tiirimu nyiŋ. Ku daa tuima nyiŋŋa ate waai baga a kuulimu.

Alege Wen a yaali ti ka nna yegayega ale ta jiirim mɛ ale ti a gaam taam, sak si Wen jam nya ti ka nna se kpieba la ti ale kan a zuli Wen la nyiŋ. Alege wa jam vari ti ti wabaataŋa po a basi kama ale nak ti kum po a yiti ase wa le jam nak Kirisita yiti kum po la. Nya kude be ka Wen ŋmanteka nyiŋ ate ti nya varibasika.

Wa nak Yeezu Kirisita a yiti kum po kama ayen wa ŋman pilim jueli wenŋmazukku po. Ku a nye se tama ale wa a poom a deri kala ale chaab kama dula jigini la, dii nyiŋla tama ale wa ka bunyi.

Dila nyiŋla, nama baai ale kan daa Juuba la, ni ŋman daa nicham, dii nyiŋla nama ale Wen nuruma a yaa tigsi ka chaab a chim bunyi Wen jigi. Wen nuruma a nye se ka wa yeri ate wa boro a sɛ la. Wa tomteerɔma ale wa biisiteerɔma baai ale liŋ jam sak ni la, bala a nye ase wa diinaŋa nyubaŋa la. Yeezu Kirisita me a nye se ka tintain ate Wen pai dueni wa yenni gugoruku po la. Wen a yaa be pai ka nama a sɛ wa yenni siaka.