1
Māteo 21:22
Rapa Nui
rap
ꞌE te meꞌe taꞌatoꞌa o kōrua mo no-noꞌi ꞌi roto i te pure e haka moe rō ꞌana i te manaꞌu ꞌi ruŋa i te ꞌAtua, he ravaꞌa e kōrua.
Yenzanisa
Ongorora {{vhesi}}
2
Māteo 21:21
He pāhono e Ietū: —Te parautiꞌa, mo haka moe o kōrua i te manaꞌu ꞌi ruŋa i te ꞌAtua ꞌe ꞌina e ko ꞌaka-ꞌaka, te meꞌe o kōrua mo aŋa taꞌe nō ꞌō ko te meꞌe aŋa era e au ki te tumu pika. Mo kī o kōrua ki te maꞌuŋa nei: «Ka ꞌoi mai nā ꞌe ka rere ki roto i te vaikava», pē ira ka ai era.
3
Māteo 21:9
Te nuꞌu taꞌatoꞌa oho ꞌi muꞌa ꞌe ꞌi tuꞌa o Ietū ꞌai e ohu era: «¡Ki haꞌahana-hana tātou i te Hakaara o te ꞌariki era ko ⌊Tāvita⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona!» «¡⌊Osana⌋ ki te ꞌAtua o te raŋi!».
4
Māteo 21:13
ꞌe he kī: «Nā ꞌi ruŋa i te ⌊Pāpaꞌi Moꞌa⌋ e hāꞌaki ena te vānaŋa o te ꞌAtua pē nei ē: “Tōꞌoku hare e kī rō: ‘he hare mo pure’”, ꞌe e haka riro rō ꞌā e kōrua he ꞌana o te toke-toke».
5
Māteo 21:5
«Ka kī ki te nuꞌu o te kona ena ko ⌊Tione⌋, kī takoꞌa ko Hērutarema: “Ka uꞌi tuꞌu ꞌAriki e oho mai ena, pa he taŋata taꞌe hōnui, e eke rō ꞌana ꞌi ruŋa i te muni, he poki o te muni maꞌu taoꞌa”».
6
Māteo 21:42
He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.
7
Māteo 21:43
»Te meꞌe ꞌaꞌamu atu ena e au o ruŋa i te haka tere iŋa ꞌāpī o te ꞌAtua. Nā e toꞌo rō, mai i a kōrua, ꞌe he vaꞌai ki te nuꞌu aŋa i tāꞌana meꞌe haŋa ꞌe haꞌatura ki a ia.