1
Маттэ 18:20
Къэбарышӏур (Инджыл)
AdgNT14
Сыда пӀомэ, сэ сцӀэкӀэ нэбгыритӀу е нэбгырищ зызэрэугъоихэкӀэ, сэри ахэмэ сахэт.
Yenzanisa
Ongorora {{vhesi}}
2
Маттэ 18:19
– Джыри шъосэӀо, чӀылъэм шъуащыщэу нэбгыритӀу шъузэгурыӀоу, сыд щыщкӀи шъуелъэӀумэ, ся Тэу уашъом щыӀэм ар къышъуфишӀэщт.
3
Маттэ 18:2-3
Исус сабый горэм къеджи, азыфагу дигъэуцуи, къыӀуагъ: – Шъыпкъэр шъосэӀо, шъугухэм арылъыр зэшъухъокӀэу, сабыйхэм шъуафэдэ шъумыхъумэ, Тхьэу уашъом щыӀэм и Тетыгъошхо ыӀэчӀэгъ шъучӀэхьащтэп.
4
Маттэ 18:4
Арышъ, мы сабыим фэдэу хэти зышъхьэ зыгъэцӀыкӀужьырэр ары Тхьэу уашъом щыӀэм и Тетыгъошхо ыӀэчӀэгъ чӀэт цӀыфхэм анахь ин дэдэр.
5
Маттэ 18:5
Хэти мыщ фэдэ сабыир сцӀэкӀэ къезгъэблагъэрэм сэ сыригъэблэгъагъэу мэхъу.
6
Маттэ 18:18
– Шъыпкъэр шъосэӀо, чӀылъэм сыд щыщми шъо фит шъумышӀырэр уашъоми фит щыхъущтэп; чӀылъэм сыд щыщми шъо фит шъушӀырэри уашъоми фит щыхъущт.
7
Маттэ 18:35
– Шъуащыщэу хэти ыгукӀэ ыш фэзымыгъэгъурэм ся Тэу уашъом щыӀэр ащ фэдэу къыдэзекӀощт, – къыпигъэхъожьыгъ Исус етӀанэ.
8
Маттэ 18:6
– Ау мы цӀыкӀухэм ащыщэу сэркӀэ шӀошъхъуныгъэ зиӀэм псэкӀод ышӀэнэу хэти дэзыхьыхыгъэм мыжъошъхьал рашӀэу, хы куупӀэм хадзэу рагъэтхьэлагъэмэ, ежьыркӀэ нахьышӀущтыгъ.
9
Маттэ 18:12
– Шъо сыдэущтэу шъухаплъэра? ЦӀыф горэм мэлишъэ иӀэу тӀон. Ахэмэ ащыщэу зыр гъуащэмэ, адрэ тӀокӀиплӀырэ пшӀыкӀубгъурэр Ӏуашъхьэмэ къатыринэнхэшъ, кӀонышъ, мэлэу гъощагъэм лъыхъущтба?