1
Romanos 1:16
Zoque Copainalá New Testament
ZCNT
Porque ja'ʌs ŋgotza'ay te' evangelio, porque te'wʌ yajyospa Diojsis ñe' pyʌmipit wa'y yajcotzojcu jujche'ŋ wyʌ'aŋjambapʌ's, nimeque'ctij judío y te'šejtijque' griegota'm.
Yenzanisa
Ongorora {{vhesi}}
2
Romanos 1:17
Porque te' evangelio'stʌ yajmuspa Diojsis jyusticia te' tzi'papʌtʌ cuando nwʌ'aŋjamba'ctʌ y porque nwʌ'aŋjambatʌ. Yʌ'šejte' ja'yʌyu: Te' jyustococojtyajupʌ pʌ'na wyʌ'aŋjamgupyit maŋba pya'tu quenguy.
3
Romanos 1:20
Porque tiyʌta'mdʌ ja'n ŋguene Diojsisñe', jujcha'nde' ñe' ja'n yayepʌ myʌja'ŋajcuy y Diojsajcuy, quejyajpa desde que chʌjcu Diojsis te' najsacopac. Y te'šej ñʌctʌ'yajpa pʌ'nista'm te' tuquiajupʌ tiyʌpit. Te'cotoya ja'n na' tiyʌ cha'maŋjamyay.
4
Romanos 1:21
Ñempe ispʌquiaju Dios, jamyʌja'ŋwʌcotzamya te' Dios, ni jañʌjaya yʌscotoya, sino que myʌja'ŋwʌcotzamyaju ñe'ta'm quipsoquiuy. Y te'šej te' jowita'mbʌ quipsoquiuy más jowi'ajyaju.
5
Romanos 1:25
Yʌ'ta'mbʌ's chaquiaju te' wiyuŋšejpʌ tiyʌ Diojsisñe' wa'ytyij wyʌ'aŋjamyaju te' sutzi. Cujnayu'c quiʌna'tzʌyaju najsacopajcʌsipʌ tiyʌ Diojsis chʌquiajupʌ, wʌ'cte' inʌc quiʌna'tzʌya Dios, te' chʌjcupʌ's mumutiyʌ. Te'wʌ pyʌcpa wa'ytyʌ nwʌcotzamu mumu jama. Amén.
6
Romanos 1:18
Porque te' tzajpojmopʌ Diojsis ñitzʌjcuwa'nde' wa'y yajnʌco'aŋgʌyaju te' ja'n quiʌna'tzʌpyʌ's y yacha'cuy chʌquiajpapʌ's y jujche'ŋ yajwinduquiajpapʌ's wiyuŋbʌ tiyʌ te' ñe'ta'm yacha'cupyit.
7
Romanos 1:26-28
Te'wʌcotoya chaquiaju Diojsis wa'y chʌquiaju tza'ajcuytya'mbʌ tiyʌ. Te' yomo'sta'm chaquiaju te' pʌn nʌ'itcuy y chʌquiaju jyowi'ajcuy yoma'ŋdʌwʌji'ŋ. Te'šejtijque' te' pʌ'nista'm chaquiaju te' yomo nʌ'itcuy y tzi'sʌmyaju y pijtʌjcʌyaju ñe'co'mota'm, y chʌquiaju jyowi'ajcuy pʌ'nis pyʌndʌwʌji'ŋ. Yʌ'šej wyingʌša'yaju te' quioyowa pyʌcpašej ñe'ta'm tyocoquiu'yis. Y ñe'cʌ'sta'm quiomʌ'yaju juca ja'nde' 'yoyepʌ tiyʌ wa'y jyamwʌtzʌquiaju te' Dios. Te'cotoya Diojsis chaquiaju na' yacha'cuy wa'y quipšaju y wa'y chʌquiaju ja'n 'yoyeta'mbʌ tiyʌ.
8
Romanos 1:22-23
Mujsoyešej chʌquiaju wyin, pero más jowi'ajyaju. Quiʌna'tzʌ'yaŋjejyaju te' mʌja'ŋbʌ y ja'n yayepʌ Dios wa'y quiʌna'tzʌyaju ca'yajpapʌ pʌ'nis pyʌñchʌqui, y palomachʌqui, macšcu'y ñe'ŋbacpʌ copʌndzʌqui, y tzandzʌqui.