Mavhesi emuBhaibheri Ane Mukurumbira kubva kuna Yak 2

Pakurirana nevamwe

Nite kuziŋaa kulɛ, xe axwɛwawa ápɔni kɔ ɛ, kɔlɔ kunu kupluplu.

Lɛ loso e, kiliɛ gi ɔnɔ ɔlɛ xe Ɔfuɛfuɛ nɔ ɔma ní yɛ mɛ ɛ, xe izedzì kidɔ tsetse e, niteme ke kuziŋa gi axwɛwawa ápɔnɔ ɛ, kunu kuziŋa tsetse.

Mɛ benemi ba, liboe gbã woli linu xe ɔnutɔ apani si, kuziŋa kulɛ ní yɛ awla pɔ̀ xe kuziŋa lixwɛwawa líma yɛ awla a? Kuziŋa liɔ klɔ kwiatani yɛ kubu na a?

Dani wɔzi lɛ aʋa ŋa si Aya tole ko ɔlɛ ɛ? Lipɛ! Ifuɛfuɛ zimizi ne fɛ izɛ lɛ aʋa ɛɛŋa lɛ izeesugu ni lifu u.

Pɔ̀ ɔnutɔ aapani si, “Kuziŋa kulɛ ní ɔnutɔ awla, lɛ ɔnɔ dzedze fɛ axwɛwawa alɛ yɛ awla a.” Maabu lɛ onu si, “Basɛ mɛ kiliɛ gi kuziŋa kwiaze ni ɔnutɔ awla xe axwɛwawa ápɔnɔ ɛ. Lɛ maabasɛ mlɔ mɛ kuziŋaa gani mɛ axwɛwawa la mɛ ɛ.”

Lɛ ese linu si Aya ɔ́tradi asigaga xe axwa litsi ni ɔniliɛ gi ódi banɔ asigaga a, pɔ̀ Aya ɔ́trabu ɔniliɛ gi izeedi banɔ asigaga ɛ lipɔ.

Wɔmɔ si gani axwɛwawa mɛ ɛ, ɔnɔ izeedzì ɔnɔgbà ní Aya aŋu mɛ, aní gani kuziŋa tete me e.

Mlámɔ si yɛ kuziŋaa ni yɛ axwɛwawa la ɛkpɛ likpɔ na a? Lɛ yɛ kuziŋaa kwiflɔ gani yɛ axwɛwawa la mɛ na a?