Mavhesi emuBhaibheri Ane Mukurumbira kubva kuna 2 Tesalo 2

Pakurirana nevamwe

Mlakíki si ɔnɔnɔ omeni mlo ní kudeo tɔtɔ onu u. Lɛ liwe le litrába kɔzɛna ni keduyɔyɔ gɔgɔa kɛba a, xe ɔnɔ zimizi ye e, gi yɛ linu si ɔtrɛ ní kifu moni ye me aŋu i.

Benemi ba, lilɛ si kudo Aya ɖase lipoe kakaa ní mlɔ litukpo, mlɔ banama gi Ɔkaɛ alɔ ɛ. Lilɛ nite si Aya akya mlɔ dɔni ɔtɔpu kɔ ŋwisi banɔ tɔpu kí kubúbú gani Ɔfuɛfuɛ nɔ lɔ kigaglaɛ mɛ, tɔ babitɛ mlɔ yɛ banɔ dradra ba, ní mlɔ kuziŋa ní anukwarɛɛ mɛ.

Yɛ atráyɔ kedu ya ní aya kakaa elu, loo kidɔ kakaa gi bize sumu i su i, kɔ akɔ isu ya edu bɛ petee onu i. Yɛ kura aatiku ní Aya yɛ lisɔligba lɛ mɛ lɛ aaxwa isu ya si Aya a.

Tɔ blɔ Ɔkaɛ Yesu Kristo yɛ ɔtutɔ ni Aya blɔ Ɔka gi alɔ blɔ ɛ, xe gani yɛ lipomepɛpɛ mɛ ɛ, akpɛ ɔna ní blɔ lipo lipoe kakaa, xe aki blɔ kudeonudidi gbã ɛ. Kwiʋi si ɔkpɛ mlɔ kigagla tɔ ɔkpɛ ɔna ni mlɔ lipo tɔ mlabitɛ eboe gbã lipoe kakaa ani tɔ mlapani Liboe Gbã kakaa.

Lɛ loso e Aya aatsisi ba motemote gagla ɔtɔ gi aaki si biazɛ asia na aʋa ŋa a.

Ɔnɔ zimizi ye aaba ní Satana yɛ kigagla ɛ mɛ, lɛ aabitɛ asia na enugutseboe glegle ani eboe gi banima bamɔ edi i. Lɛ aakɔ̀ litukpo me gagla, ni kunɔmeno kakaa elu komeno banama gi biakyrɔ ɛ. Biakyrɔ lɛ ese linu si bázɛ liboe le e, lɛ bádimɛ ni anukwarɛɛ gi yɛ aaki si biamɔ kubúbú u.

Pɔ̀ litumu ne kutu monumonu yo kigaglaɛ ɛ, kiwa axwɛ na kooko, pɔ̀ liboe lɛ gi liaba ɛ, lítraba kɔzɛna ni si Aya ebu ɔniliɛ klɔ gi eetsi le kudeonu izanɔ.