Mavhesi emuBhaibheri Ane Mukurumbira kubva kuna Romɛ 16

Pakurirana nevamwe

Kea ‑ɛ ‑nyɩa" nyʋ pɛe 'a blua' a, nɔ" ‑sia 'o ‑wɛe ɛ 'jea ‑siɔn' 'ɔ "jru iwaa 'de ao bʋ ‑sɔn ɛ se "i tɛn‑. 'Ɩn nɩɛ "i ‑aa Tʋ"bo Sesi Klisi 'je aopʋ‑ 'saaʋn "jrii nʋ.

'Ma de'di ‑wi", 'ma ‑tuɛ" aopʋ 'snɩ ɛ, nyʋ ‑ʋʋa ‑seea' nyʋ i ‑wɛe ‑ʋʋa poa ‑cɛa' 'bo nyʋ 'nynɩ ɛ, ao ‑tu" aoa' ‑cɛ" 'ɛ ‑tɩ' 'de ʋʋpʋ 'a ‑tɩ' 'ʋn. Dɩ ʋʋa' nyʋ tu a nʋa ‑wɛe ʋʋa tɔɔa nyʋ ɩ ke dɩ ao 'cɩan se due' nɩ‑. Ao tɛɛn ʋʋpʋ kɩɩn

dɛ‑nʋɛ' ʋʋa' nyʋ tu se ‑aa Tʋ"bo Sesi Klisɩ a dbonʋʋn nɩ‑. 'Kaa ʋʋa' ‑cɛ" 'kpa 'a 'tʋn nʋ‑tɩ mɩ ʋʋa nʋ. Ʋʋa nʋɛ mɩɩɔ 'dɩdɩ ‑wɛe ʋʋa 'tmʋ wlu ‑ɩ ‑jea 'e nyʋ doin" nmɔɔ ɛ, 'kamɔ ʋʋa nʋ ‑wɛe ʋʋa poo nyʋ ‑ʋʋa dɛ tɔ' 'ʋn 'jea' ‑tea 'o ‑cɩɛkɔun "kpei 'srɛ i.

‑A ‑bɛɛ' Kea 'a 'nynɩ "i ! Ɛmɛ ‑bɛɛ' ‑ɛ ‑je ɛ nʋ ‑wɛe aoa' Kea ‑kwlɩ" ‑tea' 'je i ku ‑sisi'. ‑Pɔia" ‑tɩ 'ma 'tmʋa, 'kamɔ ɛ 'da. Ɛɛ' ‑pɔia" ‑tɩ tu 'tmʋɛ Sesi Klisɩ 'a ‑tɩ' 'de nyʋ ‑sea' Suifʋ nɩ ‑pee. Ɩ pa 'kwla tɛin" 'de‑, 'kaa ɩ po "jri "kpae' ‑wɛ‑ la 'de 'sbɩ Kea 'a wlu 'kwajaaʋn 'crɩa 'di. 'Kamɔ Kea sea' 'mɛ ‑ta 'ble nɩɛ "i. Ɛmɛ ‑tmʋʋɛ' 'de nyʋ ‑wee' "klein ‑pee ‑sɩan ‑wɛe ʋʋ 'je Sesi Klisɩ 'a ‑tɩ' tɔ' 'ʋn 'je 'de ʋʋ 'je ɔ wɔn 'je. Kea 'a 'sʋ ‑nɩ tɔ'di, ‑a ‑bɛɛ' ɛɛ' 'nynɩ "i 'de Sesi Klisɩ 'ʋn 'de ‑sʋn "o ‑sʋn 'di ! 'Kamɔ ɛ 'je nɩ‑ !