Mavhesi emuBhaibheri Ane Mukurumbira kubva kuna MARKO 11

Pakurirana nevamwe

Nyaso nlɛ mi bɔtɛyi minkǝ, lesa nǝ ke biɔtɔ Onanto ɛyɛ lǝ olatoto ǝsuǝǝ, befo bɛnɔ biǝ dioka mi kɔni. Onanto ebuyifo lesa nǝ mǝ utǝ mi.

Nlɛ mi bɔtɛyi sitinti minkǝ, utsyuǝ saa wǝ lɔɔtɛyi kɔtini komfo nkǝ kɔnyi kusu kudufǝ lǝ lekpoo, nya wanyaki lǝ wǝ lɛkɔɛsi, nya ófo ɔ́nɔ nkǝ lesa nǝ ɔ́tɛyi ebubǝ itǝǝ, Onanto ebuyifo nnya utǝ wǝ.

Nya lǝ bibǝ ola katokɔ kǝtǝ Onanto nya bekloma biǝ utidi utsyuǝ áta mi úbuu, bifi bɛtsyɛ wǝ itǝ bǝ mi Anto wǝ nkpe kato tsyaa, lǝ ufi mi asa bua ɔtsyɛ mi.

Yesu átɛyi mǝ nkǝ, “Befo Onanto bɛnɔ.

Nya óte betidi bamfó asa ɔ́tɛyi mǝ nkǝ, “Bawɔni lǝ Awɔnisa Kɛnkɛ Eto Kukuǝ ǝsuǝ bǝ, Onanto átɛyi nkǝ, ‘Bookpo mɔ diyo, diyo nǝ kawunsiǝ kenke eto betidi luubǝ bato ola bǝtǝ Onanto.’ Fɛɛ mimi éfi ni bíyifo beyu eto kabiɔkɔ katafa betidi.”

Betidi ba kenke ntɔ sɛtɔ ku mba ntǝkǝ kamaa káfa bembembe kákatɛyi bǝ, “Hosiana! Bɔlɛ atɛsǝ butǝ nwǝ nlɛ bubǝ lǝ Onanto eto diye ǝsuǝ.

Bifi atɛsǝ bitǝ bo ona Oka David eto sekakedikɔ sia nlɛ bubǝ. Hosiana itǝ Onanto wǝ nkpe kato fanlofanlo.”