Mavhesi emuBhaibheri Ane Mukurumbira kubva kuna Orɔm 12

Pakurirana nevamwe

Á tùntwə̃̀ə̃̀ né bə̀kʼa yə̀ ǹdə lũ w kɔ̀bɔ́ nə́ ŋwɛ́nɛ́ ò wẽ́ mó tùntwə̃̀ə̃̀ né ta yé. Yẽ̌nə Yi pyìrhí á surhə né námpúm, mùnì ga á ŋwɛ̀nɛ́ á lwar kɔn dɛ̀bɛ́ rə̀ nʼê yàlá: tɛ̀bɛ́ rə̀ càn, rə̀ só, e jà rə̀ yú rə̀ pùbùlə̀.

Da-byâ, Yi zhe wu-bɔ̀nɔ̀ ǹdə́ nə́ba dɛ̃´dɛ̃´. Rə̀myɛ́ ce, à nʼâ lwə̀l ába: zəna á cìn á yə̀ vwĩ̀-kɔn dɛ̀bɛ́ Yi cǐ, rə jʼa yí rə̀ pùbùlə̀, á pə rɛ. Wɔ́ èta á mə̂ sʼá cèrhé re né zhə̀n zhə̀nà.

Cenə á wun yə̀ nyɛ̀n á gə́ nʼá dɛ̃̀ Cinu nyì-bwelé y pyǐrh mó yilə. Nɔ̀nɔ̀ gə tú myɛ, sʼá pyɛ́nɛ́ á zhì kẽkẽ. Lwə̂lnə Yi twéé twéé, á wun bə̀kʼa gə yé.

Bə̀ká yẽ̌ ǹ cìn nì lwɛlɛ wɔ̀rhɔ́ wẽ́ yé. Wɛ̀rhɛ́ cɛ̀nɛ̀ ń mə́ cə̀r lwɛlɛ yé ne.

Swénénə dwã ǹdʼá wun gakó ǹdə da-byâ ta. Cenə yə̀wâl nɛ́, á nyɛ̀ dwã.

Á mə̂ sʼá swéné dwã ǹdə́ wu-põ. Bə̀kʼá shɛ̀nɛ́ lwɛlɛ wɔ̀rhɔ́ yò gaga yé. Wɛ̀rhɛ́na cɛ̀nɛ̀ twéé twéé.

Wɛ̀rhɛ́na á gə́ wɔ̌ nɛ́ á jòm ǹdə́ lyì bí gakó ǹdə́ yə̀-zùlə́.

À dɔwabá nántwə̂rh, á bə̀kʼá pyà á jim cṹ yé. Yẽ̌nə bùrsí sə̀myɛ́ nɛ á ce Yi jɔ̃̀ wà. Bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ bə̀ Cinu wòwə̀: “Wɔ́ àmyɛ́ à bʼa kə́ lò gakó bùrsì a pɔ̃ còrhò-tum.”

Twĩ̌nə wárhɛ́ wárhɛ́; bə̀kʼá cĩ́ nə̀wàcɔ̀rɔ̀ yé. Twĩ̌nə Cinu tum dí náàcɛ̀nɛ́ ǹdə́ yə̀wâl.

Yi wu-bɔ̀nɔ̀ w ce rə̀ pɔ nɛ rə̀ pɛnɛ́ y nánfò. Rə̀myɛ́ yilə, à nʼâ byili ába: á mə̀dù ga bə̀ká n cĩ́ ń cìn jàà kɛ̀bɛ́ è du mu wẽ́ yé. Lò gakó sə́ cĩ́ ǹ cìn jàà y kɛ̀bɛ́ è mə̂ ǹdə́ mɔ́ wẽ́, ǹdə Yi gə́ ce ǹmyɛ zhí ri ní mú.

Lò gə wɛ̀rhɛ́ ába lwɛlɛ, sʼá bə̀kʼá càrh mɔ̀ lwɛlɛ yé. Cenə jàn nɛ́ á wɛ̀rhɛ́ kɔn dɛ́ dɛ̀bɛ́ rə̀ càn lyì bí gakó yírh w mó.

Cenə á nyí yə̀ rə̀dù, sʼá bə̀kʼá zhẽ̌ á cìn dɛ̃̌ yé. Lwəlnə á cìn tɛ̃´; á bə̀kʼá nyǐ á cìn ǹdə surhə cìnə́ ta yé.

Bə̀ kɛ̃ rə̀ jàà dõ wẽ́ bə wɔ̀: “Nɔrh gə zhe ǹ zù-bal, sə́ pɔ̃ kùjú n jí. Nə̀nyɛ̀lsɛ̀ gə zhe mo, sə́ pɔ̃ nɛ̃̌ n nyɔ̀. Èta, kɔn nyɛ̌ ǹdə wɔ́ myìn-cala bárhɛ́ ǹ ló ń yó w ta.”

Lwə̂lnə Yi bə̀ rə̀ cĩ́ bwəl byɛ̀bɛ́ bə̀ nʼê nwɛ̀nɛ̀ ába mɔ́ yó, sə rə̀ bə̀kʼa zhìlì bə̀ yò yé. Lyì byɛ̀bɛ́ bə̀ zhe wu-nyɔ̃̀, sʼá tó be á ce á wun yə̀ nyɛ̀n. Lyì byɛ̀bɛ́ bə̀ nʼê kúrhə́, sʼá tó be á kúrh.

Á gə pwírí á da-byâ Kristə-lyì jàlà zhe á sɛ̃ɛ̃´ tum, sʼá sɛ̃ bɛ. Lò gə tú á sõ, sʼá zwẽ ń zhəəlé cɛ̀nɛ̀.

Zhə̀nà, nə́ yala nɛ́ kə̀kàlsɛ̀ já, sə kə̀kàlà èdù gakó zhe è tum. Wɔ́ èta, ǹdə́ nə́myɛ já ga, nə́ mù dwã nɛ Kristə wẽ́ nə́ jǐrh kɔn rə̀dù. Lò gakó zhǐ ń jàà wà, ǹdə numbyíní yala nɛ́ kə̀kàlsɛ́ ta.