Mavhesi emuBhaibheri Ane Mukurumbira kubva kuna Yõwánĩ 7

Pakurirana nevamwe

Õjílã gólĩyî tã lẽ ꞌbá trá má ꞌá pı̣̃pı̣̂sı̣́lı̣́ ãlô sĩ rî, õzõ gólĩyî ũmvû lı̣̃mvû má drí fẽlé gólĩyî drí rî trá rî, lı̣̃mvû ꞌdĩ âꞌdô rĩꞌá ậdı̣́lı̣́ gólĩyî pı̣̃pı̣̂sı̣́lı̣́ ꞌásĩ õzõ óró kâtí. Lı̣̃mvû rî ꞌdĩ âꞌdô lédrẽ-lédrẽ ạ̃dũkũ ãkó rî fẽꞌá gólĩyî drí, õzõ Ôvârí drí âtálé trá rî kâtí.”

Gõꞌdá kậyı̣̂ ạ̃dũkũ kãrámã gũgũ kâ ꞌdĩ kâ sĩ rî, Yésũ drí âfõzó âdrélé kpá óꞌdí jó ạ́ngı̣́ Ôvârí kâ ꞌá. Drílâ ngãzó rĩꞌá õꞌbí ꞌdĩ ꞌbá yî lı̣̃fı̣́ lâ yî îmbálé rê-rê ûrû kĩ, “Nĩ ârî drẽ tã nô, ãnî ndrĩ, õzõ õjílã ãzâ ãꞌdô lı̣̃mvû lôvó bê rî, õjílã rî ꞌdĩ ãânĩ má ngálâ rî, má âꞌdô lı̣̃mvû lânjã fẽꞌá õjílã rî ꞌdĩ drí.

Úlı̣́ gólâ Yésũ drí âtálé lı̣̃mvû kâ ꞌdĩ, gólâ rî ꞌdĩ Líndrí Tãndí Ôvârí kâ rî tã lâ âtálé ĩꞌdî. Õjílã gólĩyî tíbê tã lẽ ꞌbá trá yí ꞌá rî, yí âꞌdô Líndrí Tãndí Ôvârí kâ âjóꞌá gólĩyî drí. Yésũ õtírĩ rĩî úlı̣́ ꞌdĩ ꞌbá yî âtálé rî, gólâ drãá drẽ kô âfõlé óꞌdí õdrã ꞌásĩ gõlé ûrú ꞌálâ Líndrí Tãndí rî ꞌdĩ âjólé.

Nĩ âyê tã gólâ ãnî drí rĩzó lãꞌbí ãníkâ tã lâ trõlé ĩꞌdî ꞌbãlé gạ̃rạ̃ ꞌdî. Nĩ ꞌê tã ꞌẽꞌẽ gólâ tãndí ró mbı̣̂mbı̣̂ rî ĩꞌdî.”

Õzõ má õrî nõ tã ámâ nyãányâ kâ îmbálé ĩꞌdî rî, nĩ âꞌdô nı̣̃ꞌá lâ kĩ, má lẽ cé õjílã drí lậnjı̣̃ ꞌbãlé má rú ĩꞌdî. Gõꞌdá âꞌdó kô ĩtí. Má ânĩ tã Ôvârí gólâ ámâ âjó ꞌbá rî kâ îmbálé ĩꞌdî, tãlâ óꞌbã ró bê lậnjı̣̃ gólâ rú. Tã îmbâ ámákâ ꞌdĩ âꞌdó kô õnjõ ꞌî, rĩꞌá tã pạ̃tı̣́ı̣̃ ꞌî.

Gõꞌdá Yésũ ârî tã gólĩyíkâ rĩꞌá âtálâ ꞌdĩ bê rî, gólâ drí tã-drı̣̃ lôgõzó gólĩyî drí kĩ, “Tã gólâ má drí rĩꞌá îmbálâ nõ âꞌdó tã îmbâ-îmbâ ámâ nyãányâ kâ ĩꞌdî kô, má rî tã îmbâ Ôvârí gólâ ámâ âjó ꞌbá rî kâ îmbálé ĩꞌdî.

Ãníkâ rî, õjílã ãngó nõ kâ ꞌbã ĩyíkâ ãnî lôvó ꞌbãꞌbã, gõꞌdá gólĩyî ꞌbãá ĩyíkâ ámâ lôvó kô, tãlâ má rî bê kárá tã õnjí gólĩyíkâ rĩꞌá ꞌẽlâ rî tã lâ âꞌdálé gólĩyî drí rî sĩ.