Mavhesi emuBhaibheri Ane Mukurumbira kubva kuna Colosenses 3

*Chrokoninkakuénhñara kichuara la chrókꞌuitjáñahanra ichrén ijie̱ kjuásihanra íjnko chojni kixin Cristo la kꞌóxika ti ijie̱ kjuásinra, la kja̱xinra xi̱kaha chrókjui̱chꞌera.

Chrokjuénka̱yáxinra ti nkehe siín nkaya nka̱jní. Chrokjuéyáhyara ti nkehe siín chjasintajni

Kaín ixra̱ tjejochꞌera la chrókjui̱chꞌera kaín a̱sánra éxi nchexiteyéhéra Ìnchéni, la jehya kixin chrókjui̱nchexiteyéhéra chojni ó.

*Díos la tjue̱he ti jahara la tsíkjéyára kixin tsinkachónkira chꞌan. A̱ndá jahara la ó kꞌónara chojni ni̱xin, la chrókui̱konoéhéra kichuara, la jína chrókꞌuejora, chrókjui̱nchenkehyara, la chrókójia̱hyara la ko chrókónínkákonhñara.

*Ti itan kuènté Cristo nkochríxín chrókꞌue̱tue̱hen a̱sánra. Mé xi̱kaha chrókjuákohéra kichuara kaín kjuaxrexinkaon jína. Chrotsjera salmo la ko himno la ko canto kuènté Díos, la chróchje̱héra Díos kjuasáya kaín a̱sánra. Kaín ixra̱ chrókjuíchꞌeni la ko kaín nkehe chróndáchroni, la kaín tíha chrókjuanchaxíni kjuachaxíen ihni̱é Ìnchéni Jesús, la ko chróchje̱héni kjuasáya Itꞌéni Díos kixin tinkáchónkini Jesucristo.

Mé xi̱kaha a̱ntsí tjetoan kixin chrótjue̱héra kichuara la nkoko̱a chrókjuénka̱yáxinra, la xi̱kaha nkoko̱a tsꞌejóko̱a kichuara.

*Jahara la ó tsíxechónko̱ara Cristo. Méxra̱ chrókjuéyára ti nkehe siín nkaya nka̱jní kixin Cristo la ntiha tjetja̱xi̱n chꞌan ti itja chjina kuènté Díos.

Ti kjuaxróxin tjajon Cristo mé chrókꞌue̱tue̱hen a̱sánra kixin xi̱kaha kjuénka̱yáxin Díos kꞌuéya̱hára chꞌan kixin chrókꞌónara nkoko̱a cuerpo la xi̱kaha chrókjuíkosáyehéra ti jehe chꞌan.

Méxra̱ chrókui̱to̱héra kaín ti ijie̱ chjasintajni tjénka̱yáxinra. Ninkexró chrókjuasinkohya ijie̱ chojnichjin jehya ichjién, la ninkexró chrókjuíchꞌe nkehe jínahña, ninkexró chrókjuíchꞌe ninkehó ti nkehe tjenka̱yáxin a̱sén sin, la ko kja̱xin chrókóxríanhñara chróchontara nchónhña nkehe, kixin ti xi̱kaha la ó yóhe̱ chrókuinkachónkira ti nkehe tsíkjano̱ña.

kixin jahara la ó kꞌuénkoara Cristo, a̱ndá ijie na̱xa̱ kónoxínhña ti kjuachón nkochríxín tsochontara ti ó tsꞌejoko̱ara Cristo la ko Díos.

Méxra̱ ijie chrókui̱to̱héra kaín ti nkehe jínahña, chrókui̱to̱héra ti kjuanínkaon, la ti nkehe tjaké a̱sánra, ti nkehe jínahña, ti tꞌándaxíhínra kichuara la ko ti nkehe jínahña tꞌaxrjexín irꞌuara.

*Chrokjui̱chꞌiyehyara kichuara kixin ósé xi̱kaha kꞌuékji̱chꞌera, a̱ndá ijie la ó chrókui̱to̱héra kaín ti nkehe ntaxin kꞌuékji̱chꞌera. *Méxra̱ ijie la ó tsíkꞌónara chojni ni̱xin. Díos tinkánchetjóá ti jahara kixin tsꞌónara éxi jehe chꞌan kixin kjuíchꞌéna chꞌan ti jahara; méxra̱ tjinkaon chꞌan chróchoxínra chꞌan a̱ntsí jína.

*Jahara chojnindoa, la chrótjue̱héra ti ichjiánra la chrókónínkakuénhñara tjan.

*Chájan, chrókjui̱nchexiteyéhéra itꞌára la ko ìnára kaín ti nkehe chrókꞌue̱to̱an sin kixin xi̱kaha tóxríhi̱n Ìnchéni.

*Jahara chojnichjin chónta xìi, la chrókjui̱nchexiteyéhéra ti xìara kixin xi̱kaha chrókjuáko̱xinra kixin tinkachónkia Ìnchéni.