Mavhesi emuBhaibheri Ane Mukurumbira kubva kuna EFESUS 4

Pakurirana nevamwe

Sangadinna pantan sikasokanangkomi sia siala mase, sia sipagarri’komi, susi Puang Matua umpa’dei tu kasalammi tete dio Kristus.

Naturu’ mintu’ penaa mengkadiongan sia sorong inaa sia pesuka’ kalando, sipama’tanan penaa situru’ pa’kaboro’.

Da mipasunni dio pudukmi tu kada dipomasiri’, sangadinna iari tu melona tu la napomatoto’na kapatonganan, tu denna patunna, anna pasaeanni pa’kamasean tu to urrangii.

Toyanganni dio mai kalemi tu mintu’ kamapallan, sia kamasakiarasan sia kasengkean sia salle kada sia kapa’palelebekoan sisola mintu’ kakadakean.

Iake sengkekomi, da anna pabu’tu kasalan; da ammi nanna kasengkeammi sae lako lambunna allo. Da milo’banganni inan tu deata bulituk.

iamotu diona gau’ dolomi, la mitibe tu pa’kalean masaimmi, tu sanggang napobua’ kamoraian lu dio mai tangnga’ sala, anna diba’rui tu penaammi lan batu ba’tengmi, ammi angkaran kedo ba’ru, tu dipadadi situru’ pa’poraianNa Puang Matua lan kamaloloan sia kamaseroan tongan.

Ammi pengkullei ungkaritutui kasisanginaan tete dio Penaa ussiulangi kamarampasan

Ia dukamo mangka unnalai rasulu’ tu mai tau pira, nabi pira, to umpalolang Kareba-kaparannuan pira, pangkambi’ pira sia guru, la umpasakka’i tu mai to masallo’, la umpogau’ pentoean ma’kamayai, la umpatulangdan batang kaleNa Kristus, taurunganni sola nasang landa’ lako kasisanginaan lan kapatonganan sia kapaissanan diona AnakNa Puang Matua sia lako kamatakkoan sae lako ma’angge kaloboranna kasundunanNa Kristus

kumua damo anta mapia-pia tikalulun-lulun susi bombang sia nairi’ lu lako lu dio mai ma’rupa-rupa angin pangadaran, diona pakenanna tau sia pakira-kiranna, tu mebanna lako tangnga’ mepapusa, sangadinna la umpentoeiki’ kamanapparan lan pa’kaboro’ anta salobo’-lobo’na lan mintu’na lako tu To tapoulu, iamotu Kristus.