Mavhesi emuBhaibheri Ane Mukurumbira kubva kuna Teegoyey 2

Pakurirana nevamwe

Piyer nee i se: «Wa tuubi, de war affoo kul ma batizandi Isa Almasihu maaɲoo ga, war zunubey yaafaa se, de war ga duu nooyanoo kaŋ ti Hundi Henanantaa.

I cindi diyawey cawandoo, nda ngi margakasinaa ra, nda takula dunbuyanoo, nda Irkoy ŋaarayroo ra.

de i kul too met nda Hundi Henanantaa, de i šintin ka šenni tanayaŋ šelaŋ, woo kaŋ Irkoy Hundoo nʼa noo i se i mʼa har.

Dogoo din da kaati foo tee ka hun beenaa ra, ma nee hew beeri hẽeni, de a na hugoo kul too kaŋ ra i goo ma goro. Hayayaŋ kaŋ ma nee deene bangay i se, i ga hima nda nuune kaŋ zamna-zamna, i zunbu ngi boro foo kul ga, de i kul too met nda Hundi Henanantaa, de i šintin ka šenni tanayaŋ šelaŋ, woo kaŋ Irkoy Hundoo nʼa noo i se i mʼa har.

Zaari kul i ga tee bine foo ka marga nda cimi Irkoy hugu beeroo ra, i ga takulaa dunbu ngi hugey ra, i ga ŋaa nda ɲaali nda bine kaaray. I ga Irkoy beerandi, jamaa kul ga fondo naŋ i se. Zaari kul ir Koyoo ga borey kaŋ hallasi tonton i ga.

‹Zaari korawey ra, Irkoy nee: “Ay gʼay Hundoo doori borey kul ga, war izʼarey nda war ize woyey ga annabitaray tee, war soogey ga dii bangandiyaŋ, war boro žeeney ga handiri.

Ganakey kul goo nongu folloku ra, hayey kul ra i ga marga. I na ngi halaalawey nda ngi jinawey neere kʼi zamna boro foo kul ma duu haya kaŋ ga too ra.

De mo boro kul kaŋ nʼir Koyoo maaɲoo cee ga hallasi.”›

Waynaa ga bere ka tee kubay, handoo ga bere ka ciray ma nee kuri, za ir Koyoo zaari beeri jerantaa mana kaa.