Mavhesi emuBhaibheri Ane Mukurumbira kubva kuna Romã 2

Pakurirana nevamwe

Nivoi teãmã mã'ẽ tè mirà kõ. Ene pa'e! Manyvo ere kuwa põ nejipija rõmõ Janejare'e rovake neiko? Manyvo nere'ãi nejipija rõmõ neiko. Ãwĩ pè itõ “nivoi mã'ẽ” ere te'ĩte sõ mirà kõ pè neiko ipi, a'e ipe pejẽ ipi. Emã'ẽ Janejare'e reko rè. Okatuaya rupi tẽ tesõ nerereko katu nerereko ipi. Ãmõ, neporijauesa puku wyi nanemomorijaui amãtejẽ neaiwererà rè ipi. Ãwisõ ikatuay nerereko remẽ, nejirovatà sipõ iwyi neiko rõmõ ãmẽ? Kee jẽsi ere kuwa: “Emã'ẽ. Ikatuay erereko ãwĩ. Apoità eaiwererà wyi ky'y”, ere jẽsi.

“Haa mokoi”, pejẽ aepo kõ renu. Ajamã'ẽ kee a'e pejẽ, pejãvijõ jẽ. “Haa, nivoi rõwã pãkãwĩ ekoi!” ere ãmõ kõ reko pè remẽ, neupe ve aepo eretà ãmẽ! Ivo kõ jẽ teve neiko ipi. Ajawyi manyvo nere'ãi 'ete nejipija rõmõ neiko.

Ojevojẽa rupi tè Janejare'e omã'ẽ pirujẽ janere janemosã'ãga ipi.

Janejare'e ayvu ivo tekoua rewarà okusiwaoka maekwerà okuwa katu ipe Juteu kõ. Ajamã'ẽ noikoi ijayvu rupi erovija rõmõ kupa ajamã'ẽ. Apijarà pè Janejare'e “ivo mã'ẽ tè ãwĩ” ne'i'ãi ãmẽ. Ijayvu rupi ekoi mã'ẽ kõ pè tè “ivo mã'ẽ tè ãwĩ” e'i kuwa.

Manyvo nyvo jaiko mã'ẽ rupi ve, a'evotà janerereko. Janejãvijõ vijõ jẽ a'evotà janerereko ãmẽ.

Na'evoi ãmẽ weegà oja'a iko mã'ẽ wereko. A'e aje ywete mã'ẽ wyi ojirova mãe kõ. Nivoi tekoua rupi ekoi mãe kõ. Apijarà pè Janejare'e kee e'i: “Nivoi mã'ẽ tè ãwĩ”, e'i. “Ivo katu kuwasi ãwĩ ekoi mijã”, e'i ee kõ omãjã wãgyo rõmõ. Ajawyi omomorijau kõtà ereko ky'y.

Ajamã'ẽ nivoi neikoa nereity tari tite neiko, ãwisõ Janejare'e ayvu nereenu tari remẽ. Ãmẽ, moko'e remẽ nejimomorijauokatà Janejare'e pè ãmẽ. Kãramõ poromoe'yia 'arà mẽ, neaiwererà rupi katu tè nemomorijautà ãmẽ ky'y.