Mavhesi emuBhaibheri Ane Mukurumbira kubva kuna Rɔmʋkʋɛ 3

Pakurirana nevamwe

Nahuin 'bii, ʋ 'wla Nyɩsʋa a tetei nɩ. Nɛ‑ nue, Nyɩsʋa, ‑ɔ kɔ ‑tɩ a 'yi'bʋbʋa, 'ɔ 'de 'klɛɛ lele 'o ꞊nʋ 'hʋɩn 'mʋ nɩ. Kɛɛ, Nyɩsʋa, ɔ nʋɛ ‑tʋnahuin 'mʋ nɩ, 'ɔ nyu 'o ye 'sii, 'ke 'o 'a dɩɔnʋ ye, 'ke 'le ‑gbʋgbɛkɔ 'kwli 'mʋ, ‑ɛ nue, ‑Yusu 'Klɩsʋ, nɔ‑ nyu 'le dɛ 'kuku ‑gbahlɔn ‑ha.

Kɛ 'hru a ‑gbɛ, ʋ nɩ 'mʋ: Nahuin ‑gbo, ‑ʋ kuo ‑Yusu 'Klɩsʋ ꞊wlʋ ye, nʋ‑ Nyɩsʋaa 'o ye 'sii, 'ke 'o 'a dɩɔnʋ ye. 'Hru a ‑gbɛ, Nyɩsʋa tʋʋ nahuin ꞊nʋ nɩ, ‑ʋ kuo ‑Yusu 'Klɩsʋ ꞊wlʋ ye. Ɛ 'de ‑Juukʋɛɛ ‑do a 'hru, 'ɛ nɩ nahuon, nɔ‑ kɔ 'hruu nɩ, Nyɩsʋa 'ɔ tʋʋ ꞊nʋ ye, ‑ɛ nue, ɔ 'nɩ 'jra ꞊le nahuin 'yi 'mʋ lɛ.

Nyɩsʋa ‑hɩɔ nɩ, 'ke bɔ ‑hɛ ‑cɔhlʋn, 'ke bɔ 'kʋ ‑a nɩ ‑ta 'mʋ, ‑a mʋ ‑gbo, ‑ʋ blɛ wɛn 'kʋkʋɛ ye, ‑ɛ die nu, 'a dablo 'mʋ ‑a nɩ 'yilɛnyre‑tɔplɩ 'wʋwla. Kɛ'ɛ nɩ, ɔɔ nu, 'ɔɔ ‑a nɩ 'yilɛnyre‑tɔplɩ 'wʋwla, 'bɩa ꞊ba kue ꞊wlʋ ye, ‑ɛ mɔ, ‑Yusu 'Klɩsʋ 'kʋ nɩ, 'ke 'o ‑a nɩ ‑ta 'mʋ. Kɛ Nyɩsʋaa 'a nunue nu, ‑ɛ die nu, nahuin 'mue 'ye, ‑ɛ mɔ, ɔ 'sii 'o ye, ‑ɛ nue, nahuin, ‑ʋʋ la 'yilɛnyre‑tɔplɩ nu, ti ‑hi la a ti 'yri, Nyɩsʋa 'nɩ puu ꞊le la yrʋ lɛ, 'a ꞊wlʋ a 'lɩla a ‑tɩ. Kɛɛ, ‑tɛ ti nɩ lɛ 'mʋ ‑gbo, ɔ nye nahuin 'nɩ tɔɔ, ‑ɛ mɔ, ɔ 'sii 'o ye. 'A ‑gbɛ, ɔɔ ‑hʋa bɔ nu dɛ ꞊nʋ, ‑ɛ 'sii 'o ye, 'plɩɩ 'ɔɔ ‑wɛ ‑hʋa bɔ 'sii 'o nahuin ꞊nʋ ye, ‑ʋ kuo ‑Yusu 'Klɩsʋ ꞊wlʋ ye.

‑Ye kɛ ɛ nɩ 'mʋ, ‑ɛ nue, tetei a 'o꞊tuulɛ, ɛ 'nɩ nue ꞊le, nahuon 'nɩ 'sii ꞊le 'o ye, 'ke 'o Nyɩsʋa ye. Tetei a ‑kʋan, nɛ‑ mɔ bɩ ‑hɛ ‑a mʋ 'mʋ, ‑ba yrie, 'ke 'le ‑a nɩ ꞊wlɩ ke, ‑ɛ mɔ, ‑a 'wla ‑tɩ, 'ke 'o Nyɩsʋa ye.

‑Tɩ ‑gbo, 'nɩɩ ꞊tu, ʋ 'crɩɩ la nɩ, 'ke 'le Nyɩsʋacrɩɩnɩɛ 'kwli 'mʋ. ‑Tɩ a ‑gbɛ, nɩ‑ ‑gbo: «Nahuon ꞊de 'de 'o ye 'sii, 'ke 'o Nyɩsʋa ye. Gbegbe, ɛ 'de nahuoon ‑do ꞊de kɔ, ‑ɔ 'sii 'o ye. Ɛ 'de nahuon ꞊de kɔ, ‑ɔɔ ‑tɩ a ‑tɛɛ 'mʋ lɛ 'wɔn, mɔ, ɛ 'de nahuon ꞊de kɔ, ‑ɔɔ Nyɩsʋa lɛ ꞊mɔ. Nahuin 'bii, ʋ bibi ke, 'ʋ hie 'o Nyɩsʋa a 'hru gbo, 'ʋ 'wan. Gbegbe, ɛ 'de ‑wɛ nahuoon ‑do ꞊de kɔ, ‑ɔɔ ꞊hapʋdɛ nu.

‑ɛ nue, ‑a yie nɩ, ‑ɛ mɔ, Nyɩsʋaa 'o nahuin ꞊nʋ ye 'nɩ 'sii, ‑ʋ kuo ‑Yusu 'Klɩsʋ ꞊wlʋ ye, ɛ 'de nahuin ꞊nʋ, ‑ʋʋ 'o Moise a tetei 'o ꞊tuu, ɔ 'nɩ 'sii ꞊le 'o ꞊nʋ ye.

Mɔ, ꞊betɩ nahuin 'bii bʋ mɔ hɩnyʋ, Nyɩsʋa, 'ɛ nɩ ti, ‑tɩ, ɔ ꞊tu, ɔ nyi 'nɩ nu. Nɛ‑ ʋ 'crɩɩ la 'ke, 'le Nyɩsʋacrɩɩnɩɛ 'kwli 'mʋ. Dɛ a ‑gbɛ, nɛ‑ ‑gbo: «Nyɩsʋa o, 'bɩa ꞊nɩɩ 'prɛ, nahuin 'bii kɔ bʋ yrie, ‑ɛ mɔ, ‑nɩɩ ꞊tu ‑tɩ a ‑tɛɛ. ‑N kɔ nahuon 'hɛɛn, 'baa ‑tɩ ꞊tu, ‑n di 'o kɔ ꞊wɔn.»