Mavhesi emuBhaibheri Ane Mukurumbira kubva kuna Ruma 14

Pakurirana nevamwe

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin. Ne ke pinaag̵i kayi edsundanan ta si Kristu, igkesuat ki utew te Megbevayà, ne egkesuatan daan te menge etew is menge ulaula ta.

Su emun uuyag ki pa ne sakup ki te Megbevayà, ne emun ebpatey ki ne iring din ded daan. Ne umba, ke uuyag ki pa wey ke minatey ki en be, gaked ki g̵ihapun te Megbevayà.

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

Su zuen insurat he Lalag te Megbevayà, ne zutun migkag̵i is Nengazen te, “Iyan a wazè din kemetayen he Megbevayà ne tenged kayi tutuu iyan he edluhuzan a te tivuuk he menusiyà, ne ebpekeazap kediey is langun.” Ne zutun diyè kiw ebpekeetuvang te Megbevayà su edsusiyen kiw zin ne egkekag̵i ta kandin is langun he mid-ulaula ta zini te kelibutan.

Ne ke zuen duma niw he edtuu ki Kristu, iyan, kenè pa meheg̵et is kedtuu zin, dewata niw sikandin, iyan, kenè kew mebpekidlewanà kandin ke is ulaula zin tenged te kedtuu zin, ne kenà utew ebpekeiring te keniyu.

Kenà egkehimu he edsusiyen ta is menge ulaula te sulug̵uen te sengeeetew en su haazà is egalen din, iyan edsusi kandin ke netuman din en be is ebpeveelan kandin wey ke wazà. Ne iring din ded daan, kenà egkehimu he edsusiyen ta is menge ulaula te zuma ta he tumutuu su iyan edsusi kandin is Megbevayà. Siguradu he egketuman din is ebpeveelan kandin te Megbevayà su edtavang kandin is Megbevayà.