Mavhesi emuBhaibheri Ane Mukurumbira kubva kuna Taitu 1

Pakurirana nevamwe

Uma a nan lo a ci ɗika ta̱ an e yevei Ka̱shile, amma o goyo yi ta̱ adama a uteku u na i o kuyongo. A tsu pana ba, una̱mgbi u le u tsu sa̱nka̱ le ta̱ kuyaꞋan ili i singai. Yaba dem u tsu goyo le ta̱.

Ili dem yi ta̱ ciɗa a̱ ubuta̱ u uma a na a̱ɗu e le i ciɗa. Amma ili i ciɗa yi lo a̱ ubuta̱ u uma a na a̱ la̱nga̱sa̱i ka̱ci ke le, ɗa i babu uneki u ka̱ɗu ba, adama a na a̱ɗu e le n kusheshe ku le kpamu i ta̱ n a̱shinda̱.

U ka̱na̱ n utsura kuyotsongusu ku mayun ku kadanshi ka̱ Ka̱shile. Ka̱ta̱ u yaꞋan ulinga n kuyotsongusu ku singai ku nam pa, u yaꞋanka uma kadanshi ko odoki, ka̱ta̱ u ɓarangu aza a na i a̱ vishili n kadanshi ka̱ Ka̱shile.

Mokoshi ma̱ gba̱ra̱ a̱yi ɗa vuza vi kelime vu ulinga u Ka̱shile. U yaꞋan babu ili i na a kushikaka yi adama a nannai ka̱ta̱ u yaꞋan vuza va̱ a̱ra̱ɗi ba, ka̱ta̱ kpamu u yaꞋan vuza vu wupa gogoꞋo ba. U yaꞋan kosoꞋi ka̱ ma̱ra̱ ka̱u ba. U yaꞋan vuza vu vishili ba, ka̱ta̱ kpamu u yaꞋan vuza vu ucigi vi ikebe ka̱u ba. Wo okpo vuza na u kuciga omoci a kpaꞋa ku ni, ka̱ta̱ u ciga kakuna ka singai ayin dem. U yongo n ugboji, ka̱ta̱ u yaꞋan ili derere. U yaꞋan kpamu n wuma u ciɗa u na Ka̱shile ka cigai, ka̱ta̱ u fuɗa kadana ka̱ci ka̱ ni mayin.

Mokoshi ma̱ gba̱ra̱ u yotso ta̱ wo okpo babu ili i na a kushikaka yi, adama a na u yongo ta̱ ɗe mayin. U yaꞋan vuza vu vuka vi te, ka̱ta̱ kpamu u shamgba n vuka vi ni endeꞋen. Muku n ni feu, n yaꞋan aza o Kutoni a na a iwain ili i kavama, ɗa i a kuyongo n wuma u singai ɗa i kpamu babu ugbawansuvu.