Mavhesi emuBhaibheri Ane Mukurumbira kubva kuna Azusuki 1

Pakurirana nevamwe

Amma Ayinviki a̱ Ka̱shile† i ta̱ a̱ kuta̱wa̱ wa̱ ɗa̱, ka̱ta̱ e neke ɗa̱ utsura. Ka̱ta̱ i dana yaba dem ukuna u va̱ a Urishelima n Yahuda. Yi ta̱ a kudana uma a Samariya n aduniyan dem.”

Ɗa u danai le, “U gaꞋan i yeve kanna ko ayin a nan lo a na ili i kuyaꞋan ba. Sai Ka̱shile endeꞋen ɗa ki n utsura u kuyeve ili i nan lo.

Ana wi a kulyaꞋa n ele, ɗa u nekei le kadanshi ku utsura, u danai, “Vanai na a Urishelima† sai ayin a na Esheku a̱ va̱ a̱ suki ili i na u yaꞋin kadanshi. Ciɓai, n dana ɗa̱ ta̱ ili i nam pa n ayin a ɗe. Yahaya u yaꞋanka ta̱ uma kusumbu ka akucina m mini, amma n ayin kenu a na a̱ kuta̱wa̱, i ta̱ a kuyaꞋanka ɗa̱ kusumbu ka akucina n Ayinviki a̱ Ka̱shile.”

Ana u kuwa̱i ɗa u ɗenga̱i, ɗaɗa u yotsongi ka̱ci ka̱ ni we le a̱ ubuta̱ kakau, u yaꞋan ta̱ ili kakau n a̱bunda̱i i na i kudana wi ta̱ n wuma. U yongoi n ele ayin amangere, ɗa u yaꞋin kadanshi ko tsugono tsu Ka̱shile.

A ayin a na u kotsoi kadanshi ka nan lo, u geshe ba, ɗa a ɗikai ni a kubana gaɗi ele ta na a kinda, ali ɗa eleshu a palai ni, o doku e ene yi ba.

Mukumitoni n ni n shamgbai lo a kinda gaɗi, ɗa ta na uma e re a yawai lo ɗevu n ele nu ntogu ma̱ a̱ri. Ɗaɗa uma a a danai le, “A̱ɗa̱ uma a̱ Ga̱lili, yi ɗa̱i i zuwai ɗa i shamgbai na a kinda gaɗi? Yesu vu na i yevei a ɗikai a kubana gaɗi va, ta kpamu u kubono nannai tsu na u lazai.”