Urarina - 2006 Edition (NT)

<div class="version vid692 iso6393ura" data-vid="692" data-iso6393="ura">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="s">Jiurona bijiin cacha rautaa Jesosone</div><div class="r">(Mt 12.9-14; Lc 6.6-11)</div><div class="p"> 1Nii baiha jetaote, coaiteen netaojiaain Cana Coaunera rai rauhi que ereereecuruha Jorioocurune jaan coloheri sinacoca asae enoha cuha Jesosone jana jetao, cuu ne leinjiin cacha jiurona bijiin. 2Nii jaun jetaote, nebetacanaa cojoanonaa bana nihane jaun nii Jesoso coarajeeure fariseeocuru, nii jiurona bijiin cacha rautaane niha nechu jataain colurujueeuruhane jaan leranune coina. 3Nii jaun jetaote, nii jiurona bijiin cacha rai jetao:</div><div class="p">&#8220;Nimichuhin nii cacha cataaun chujutoroaau&#8221;, naain jetao: 4&#8220;Chatoanai ichacaane caohachae nebetacanaa cojoanonaa bana, baaso ichaain cacha ichao itajihacanena. Ainihane cacha ichao rai caohacha ichacaanena&#8221;, naain fariseeocuru caje bajaa Jesosone jana jetaote, inauheneecha curuaaequiin aonajeeure. 5Nii jaun jetaote, nii nere aohana jerecurenihane jaun, nererojoecaaojoaain inaderaain, nii curuacaain nenacaauru coaraain jetao:</div><div class="p">&#8220;Ii biji raujiaau&#8221;, naa nii cacha rai Jesosone jana, biji sijitaain raujiaa nii cachane jana jetaote, inae nerautaain neraujiae rai biji. 6Nii coaraain jetaote, airiniha mituhin ita suujuatiha cuure Erodesi ere tonoraeraauru aina fariseeocuru, Jesoso sohin jaooruhane coina.</div><div class="s">Nemuri auhaniha netaojiaauruha arajiin cachaaurune</div><div class="p"> 7Nii baihate, rene turuuruha arajiin Calileea cocoaichacurune jana, nii Calileea conemuri auhaniha cue aina nerelanacauru aina Jesoso. 8Jataain itolere ichaain, cunaitenacaauru cachaauru rautaain, naaonjoaane coitucuuruhane jaun jetaote, coaraa cuure Jodea batane, Jerosaleen, Idomea batane, nucuhe Jorodaan auhaniha neein enoto mitu nichajai cajeeurune maajeeinchuru cuhin jetao, Tiro, Sidoon, naaonjoainuri batane cajene maajeein turuha cuure arajiin cachaauru. 9Nii jaun jetaote, chajaain letona jatoroaain bote coaracuruha aina nerelanacaaurune coina, acaauru rai aite Jesoso, nabana sururucuruha nii arajiin turunacaauru cachaaurune coataa. 10Jataain araai laurii cunai caaun cunaitenacaauru rautaane jaun jetaote, satiin cunaitenacaauru Jesoso jaberoco dadanaa jerecure nerataauruhane coina. 11Nii jana suujua cuhane moconajaenra letono sirichaauru jetaote, Jesoso coaracuruhane jetao, nacatiha neseeonriaain:</div><div class="p">&#8220;Iite Cana Coaunera Calaohi neeicha&#8221;, naain jetao cojiorichure.</div><div class="p"> 12Nejetaote aonajeeuruha cachaaurune jana, que ereeuruha nii moconajaaera letonocurune caohate jataain Jesoso.</div><div class="s">Afosotoorunu que, lechoonca coroatajai niicha cocoainanenu janiicha Jesosone</div><div class="r">(Mt 10.1-4; Lc 6.12-16)</div><div class="p"> 13-14Nii baiha jetaote, ichatane ucuuno que iniin caohachaain niicha coaracuri cotijiae Jesoso. Inae satiin netaojiaauruhane jana jetaote, janiinajaain acaauru caje lechoonca coroatajaain nenacaauru cocoainae, corihaneein jiniichaain amuhemujueein, chaaen nere beranu que naaonjoaauruhane coina. Nii lechoonca coroatajai niicha cocoainaauri jetaote, Afosotoroneein curuaatenajaain letoanajae, 15cacha suujua cuhane nenacaauru moconajaaera letonocuru sitaain, cunaitenacaaurune maajeein rautaauruhane coina. 16Nii lechoonca coroatajaain niicha janiichuri jetaote, nii jauriaanejeein Simoonneein niicha curuaatei Fedoro, chaaen 17nejera Joaan aina Sebedeeo calaohichuru Saantiaao naaonjoainurine. Acaauru jetaote, Boanerges neein curuaatenajae: &#8220;Arara calaohichuru&#8221;, naaneneein. 18Chaaen Anderesi, Ferifi, Bartolomee, Mateeo, Tomasi, Arafeeo calaohi Saantiaao, Tadeeo, Celoteneein niicha curuaatei- Simoon, 19chaaen nii acaauru lechoonca coroataja, Jesoso colurujueranu Jodasi Isacariote naaonjoainurine.</div><div class="s">Moconajaaera letononiha Jesoso beeuruha Moisesa aitoonjoan que cacha relaaurerane</div><div class="r">(Mt 12.22-32; Lc 11.14-23; 12.10)</div><div class="p"> 20Nii baiha jetaote, leinjiin loreri asaae enoha cuha Jesosone jana jetao, ecu rene arajiin netaojiaauruha cachaaurune jaun jetao, nii aina nerelanacauru aina jiniiquiin lenonena nainecurene. 21Inae nitohaneein ecu niicha ichanenu coitucuelanaala niha Jesosone beeuruhane coitucuuruhane jaun jetaote, raa cuure naraaichuru.</div><div class="p"> 22Chaaen Jerosaleen caje turunacaauru Moisesa aitoonjoan que cacha relaaurera netonai jetaote:</div><div class="p">&#8220;Moconajaeracuru curuaanaa Beelseboote, caa cacha rai catohanei ichaane jaan teein ne, nii aina cacha suujua cuhane nenaa moconajaeracuru letono sitaane coina&#8221;, naaure jetao ita rai.</div><div class="p"> 23Niritocuruhane aonaain jetaote, acaauru cotijiaain:</div><div class="p">&#8220;Chasiina nejesinanejeein, chatohaneein ita teein, ita sitanaa nainere moconajaaera. 24Niheichu leinjiin atane que ichaonacaauru, nejesinajeein itaque nejerateein nihane raotiin ita aina ichaonaa nainecururihei. 25Niheichu leinjiin loreri asae ita que nejesinajeein nejerateein nenaa nainecuruhi coroatajai cacha, lesajeein ita que nejerateein nihane raotiin ita aina ichaonaa nainecurenihane jaun. 26Nii rijijieeinchu ita que nejesinajeein nejerateein nenaa nainecuruhi moconajaaera aina rai letonocuru, enaacha jiniiquiin ita itajenaa nainecururihane jaun.</div><div class="p"> 27Nihei chunei jataain laraajiin nenaa cacha loreri asaae enohin niicha sirii rulunaa nainera. Jauriaanejeein biji ichohacane banaachate nainere caje niicha sirii ruluhane.</div><div class="p"> 28Cana Coaunerate, itolere baaso ichaain neosateein, itolere baaso que ereein naaonjoaauruha cachaaurune niha natiin acaauru que suujua acateein ne. 29Nete laen rai Suujue que baasoneein iriha cachane, chabana que Suujua acatenereein Cana Coaunera. Nii cacha baasoneein que ereite chabana satonoelanaala caseteconiha cureein&#8221;, nae jetao Moisesa aitoonjoan que cacha relaaurera rai Jesoso. 30Moconajaaera letono siriha beeuruhane jaun jetaote, acaauru rai aite Jesoso.</div><div class="s">Neba aina turuuruha Jesoso nejeraaurune</div><div class="r">(Mt 12.46-50; Lc 8.19-21)</div><div class="p"> 31Nii jana jetaote, turuha uure neba aina Jesoso nejeraauru. Nejetaote loreri asae enohelanaala, airiniha neein cotiharateeure. 32Nii jana jetaote, nii Jesoso curuhacaain nenacaauru cachaauru jetao: &#8220;Taute airiniha turuhin ii ariiriichure ii neba aina ii nejeraauru aina ii baihuru&#8221;, naauruha raine jana jetaote:</div><div class="p"> 33&#8220;Charijina canu neba, canu nejeraauru, naaonjoainere&#8221;, naane baiha jetao, 34nii curuhacaain nenacaauru cachaauru coaraain jetao: &#8220;Caaurute canu neba, canu nejeraauru, canu baihuru, naaonjoainuri ne. 35Chunocoha jeriha Cana Coaunerane rijijieein ichaohin, Cana Coaunera jerenohin icharate, canu neba, canu nejera, canu bai, naaonjoainurine&#8221;, nae jetao acaauru rai Jesoso.</div>
 </div>
 </div>
</div>

Nii baiha jetaote, coaiteen netaojiaain Cana Coaunera rai rauhi que ereereecuruha Jorioocurune jaan coloheri sinacoca asae enoha cuha Jesosone jana jetao, cuu ne leinjiin cacha jiurona bijiin. Nii jaun jetaote, nebetacanaa cojoanonaa bana nihane jaun nii Jesoso coarajeeure fariseeocuru, nii jiurona bijiin cacha rautaane niha nechu jataain colurujueeuruhane jaan leranune coina. Nii jaun jetaote, nii jiurona bijiin cacha rai jetao:
“Nimichuhin nii cacha cataaun chujutoroaau”, naain jetao: “Chatoanai ichacaane caohachae nebetacanaa cojoanonaa bana, baaso ichaain cacha ichao itajihacanena. Ainihane cacha ichao rai caohacha ichacaanena”, naain fariseeocuru caje bajaa Jesosone jana jetaote, inauheneecha curuaaequiin aonajeeure. Nii jaun jetaote, nii nere aohana jerecurenihane jaun, nererojoecaaojoaain inaderaain, nii curuacaain nenacaauru coaraain jetao:
“Ii biji raujiaau”, naa nii cacha rai Jesosone jana, biji sijitaain raujiaa nii cachane jana jetaote, inae nerautaain neraujiae rai biji. Nii coaraain jetaote, airiniha mituhin ita suujuatiha cuure Erodesi ere tonoraeraauru aina fariseeocuru, Jesoso sohin jaooruhane coina.

Nii baihate, rene turuuruha arajiin Calileea cocoaichacurune jana, nii Calileea conemuri auhaniha cue aina nerelanacauru aina Jesoso. Jataain itolere ichaain, cunaitenacaauru cachaauru rautaain, naaonjoaane coitucuuruhane jaun jetaote, coaraa cuure Jodea batane, Jerosaleen, Idomea batane, nucuhe Jorodaan auhaniha neein enoto mitu nichajai cajeeurune maajeeinchuru cuhin jetao, Tiro, Sidoon, naaonjoainuri batane cajene maajeein turuha cuure arajiin cachaauru. Nii jaun jetaote, chajaain letona jatoroaain bote coaracuruha aina nerelanacaaurune coina, acaauru rai aite Jesoso, nabana sururucuruha nii arajiin turunacaauru cachaaurune coataa. Jataain araai laurii cunai caaun cunaitenacaauru rautaane jaun jetaote, satiin cunaitenacaauru Jesoso jaberoco dadanaa jerecure nerataauruhane coina. Nii jana suujua cuhane moconajaenra letono sirichaauru jetaote, Jesoso coaracuruhane jetao, nacatiha neseeonriaain:
“Iite Cana Coaunera Calaohi neeicha”, naain jetao cojiorichure.
Nejetaote aonajeeuruha cachaaurune jana, que ereeuruha nii moconajaaera letonocurune caohate jataain Jesoso.


Nii baiha jetaote, ichatane ucuuno que iniin caohachaain niicha coaracuri cotijiae Jesoso. Inae satiin netaojiaauruhane jana jetaote, janiinajaain acaauru caje lechoonca coroatajaain nenacaauru cocoainae, corihaneein jiniichaain amuhemujueein, chaaen nere beranu que naaonjoaauruhane coina. Nii lechoonca coroatajai niicha cocoainaauri jetaote, Afosotoroneein curuaatenajaain letoanajae, cacha suujua cuhane nenacaauru moconajaaera letonocuru sitaain, cunaitenacaaurune maajeein rautaauruhane coina. Nii lechoonca coroatajaain niicha janiichuri jetaote, nii jauriaanejeein Simoonneein niicha curuaatei Fedoro, chaaen nejera Joaan aina Sebedeeo calaohichuru Saantiaao naaonjoainurine. Acaauru jetaote, Boanerges neein curuaatenajae: “Arara calaohichuru”, naaneneein. Chaaen Anderesi, Ferifi, Bartolomee, Mateeo, Tomasi, Arafeeo calaohi Saantiaao, Tadeeo, Celoteneein niicha curuaatei- Simoon, chaaen nii acaauru lechoonca coroataja, Jesoso colurujueranu Jodasi Isacariote naaonjoainurine.


Nii baiha jetaote, leinjiin loreri asaae enoha cuha Jesosone jana jetao, ecu rene arajiin netaojiaauruha cachaaurune jaun jetao, nii aina nerelanacauru aina jiniiquiin lenonena nainecurene. Inae nitohaneein ecu niicha ichanenu coitucuelanaala niha Jesosone beeuruhane coitucuuruhane jaun jetaote, raa cuure naraaichuru.
Chaaen Jerosaleen caje turunacaauru Moisesa aitoonjoan que cacha relaaurera netonai jetaote:
“Moconajaeracuru curuaanaa Beelseboote, caa cacha rai catohanei ichaane jaan teein ne, nii aina cacha suujua cuhane nenaa moconajaeracuru letono sitaane coina”, naaure jetao ita rai.
Niritocuruhane aonaain jetaote, acaauru cotijiaain:
“Chasiina nejesinanejeein, chatohaneein ita teein, ita sitanaa nainere moconajaaera. Niheichu leinjiin atane que ichaonacaauru, nejesinajeein itaque nejerateein nihane raotiin ita aina ichaonaa nainecururihei. Niheichu leinjiin loreri asae ita que nejesinajeein nejerateein nenaa nainecuruhi coroatajai cacha, lesajeein ita que nejerateein nihane raotiin ita aina ichaonaa nainecurenihane jaun. Nii rijijieeinchu ita que nejesinajeein nejerateein nenaa nainecuruhi moconajaaera aina rai letonocuru, enaacha jiniiquiin ita itajenaa nainecururihane jaun.
Nihei chunei jataain laraajiin nenaa cacha loreri asaae enohin niicha sirii rulunaa nainera. Jauriaanejeein biji ichohacane banaachate nainere caje niicha sirii ruluhane.
Cana Coaunerate, itolere baaso ichaain neosateein, itolere baaso que ereein naaonjoaauruha cachaaurune niha natiin acaauru que suujua acateein ne. Nete laen rai Suujue que baasoneein iriha cachane, chabana que Suujua acatenereein Cana Coaunera. Nii cacha baasoneein que ereite chabana satonoelanaala caseteconiha cureein”, nae jetao Moisesa aitoonjoan que cacha relaaurera rai Jesoso. Moconajaaera letono siriha beeuruhane jaun jetaote, acaauru rai aite Jesoso.


Nii jana jetaote, turuha uure neba aina Jesoso nejeraauru. Nejetaote loreri asae enohelanaala, airiniha neein cotiharateeure. Nii jana jetaote, nii Jesoso curuhacaain nenacaauru cachaauru jetao: “Taute airiniha turuhin ii ariiriichure ii neba aina ii nejeraauru aina ii baihuru”, naauruha raine jana jetaote:
“Charijina canu neba, canu nejeraauru, naaonjoainere”, naane baiha jetao, nii curuhacaain nenacaauru cachaauru coaraain jetao: “Caaurute canu neba, canu nejeraauru, canu baihuru, naaonjoainuri ne. Chunocoha jeriha Cana Coaunerane rijijieein ichaohin, Cana Coaunera jerenohin icharate, canu neba, canu nejera, canu bai, naaonjoainurine”, nae jetao acaauru rai Jesoso.

Terera ku Marocohacha Laenai 3