<div class="version vid615 iso6393pis" data-vid="615" data-iso6393="pis">
   <div class="book bkAMO">
      <div class="chapter ch7" data-usfm="AMO.7">
         <div class="label">7</div><div class="s1"><span class="heading">Profet Emos hemi lukim trifala spesol drim</span></div><div class="p"><span class="content">  </span><span class="verse v1" data-usfm="AMO.7.1"><span class="label">1</span><span class="content">  </span><span class="it"><span class="content">(Profet)</span></span><span class="content"> Lod Yawe hemi somaot wanfala samting long mi long wanfala spesol drim. Long datfala spesol drim, olketa man blong king i katem finis gras fo olketa animol blong hem fo kaikaim long taem wea hemi kol tumas, an niufala gras hemi stat fo grou moa. An mi lukim dat Yawe hemi mekem olketa grashopa i kamaot an kaikaim evri niufala gras ya, </span></span><span class="verse v2" data-usfm="AMO.7.2"><span class="label">2</span><span class="content">go-go olketa barava finisim evrisamting wea hemi grou long datfala ples. An mi tok olsem, ?!Lod Yawe! !Plis yu fogivim sin blong olketa pipol blong yu long Israel! ?Sapos yu panisim olketa pipol ya olsem, hao nao bae olketa save laef??</span></span></div><div class="p"><span class="verse v2" data-usfm="AMO.7.2"><span class="content">  </span></span><span class="verse v3" data-usfm="AMO.7.3"><span class="label">3</span><span class="content">So, from wanem mi bin talem, Yawe hemi sensim tingting blong hem an hemi tok olsem, ?Oraet. Disfala samting wea yu bin lukim, bae hemi no hapen.?</span></span></div><div class="p"><span class="verse v3" data-usfm="AMO.7.3"><span class="content">  </span></span><span class="verse v4" data-usfm="AMO.7.4"><span class="label">4</span><span class="content">Bihaen, Lod Yawe hemi som narafala spesol drim long mi. Long datfala spesol drim, mi lukim dat Yawe hemi redim wanfala bikfala faea fo bonem olketa pipol blong hem hu hemi panisim olketa. Nomata solwata hemi barava dip fogud, bat bikfala faea ya hemi draemap finis nomoa, an mi lukim dat hemi stat fo bonem graon. </span></span><span class="verse v5" data-usfm="AMO.7.5"><span class="label">5</span><span class="content">Mi tok moa olsem, ?!Lod Yawe! !Plis yu kilim dae disfala faea! ?Sapos yu panisim olketa pipol ya olsem, hao nao bae olketa save laef??</span></span></div><div class="p"><span class="verse v5" data-usfm="AMO.7.5"><span class="content">  </span></span><span class="verse v6" data-usfm="AMO.7.6"><span class="label">6</span><span class="content">So, Lod Yawe hemi sensim tingting blong hem, an hemi tok moa olsem, ?Oraet. Disfala samting tu bae hemi no hapen.?</span></span></div><div class="p"><span class="verse v6" data-usfm="AMO.7.6"><span class="content">  </span></span><span class="verse v7" data-usfm="AMO.7.7"><span class="label">7</span><span class="content">Yawe hemi som narafala spesol drim long mi. Long datfala spesol drim, mi lukim dat hemi stanap kolsap long wanfala wolston wea olketa bin stretem long ledlaen taem olketa wakem, an mi lukim dat hemi holem tu wanfala ledlaen. </span></span><span class="verse v8" data-usfm="AMO.7.8"><span class="label">8</span><span class="content">Hemi askem mi olsem, ?Emos. ?Waswe, yu save long disfala samting wea mi holem??</span></span></div><div class="p"><span class="verse v8" data-usfm="AMO.7.8"><span class="content">An mi tok olsem, ?Ya, wanfala ledlaen ya.?</span></span></div><div class="p"><span class="verse v8" data-usfm="AMO.7.8"><span class="content">Hemi tok moa olsem long mi, ?Mi yusim disfala samting fo somaot long olketa pipol blong mi, wea wei blong olketa hemi nating stret, olsem wolston wea hemi no stret. Mi no save sensim tingting blong mi nao, bae mi mas panisim olketa. </span></span><span class="verse v9" data-usfm="AMO.7.9"><span class="label">9</span><span class="content">Bae mi spoelem finis olketa ples fo mekem wosip wea i blong pipol blong Israel. An bae mi kilim dae evriwan wea bae i bon kam long laen blong King Jeroboam.?</span></span></div><div class="s1"><span class="heading">Profet Emos an Amasaea</span></div><div class="p"><span class="verse v9" data-usfm="AMO.7.9"><span class="content">  </span></span><span class="verse v10" data-usfm="AMO.7.10"><span class="label">10</span><span class="content">  </span><span class="it"><span class="content">(Profet)</span></span><span class="content"> Amasaea hu hemi prist long Betel, hemi sendem ripot abaotem mi go long King Jeroboam hu hemi king long Israel. Ripot ya hemi olsem, ?Disfala Emos hemi gohed fo mekem olketa pipol i kam tugeta wetem hem fo mekem plan agensim yu. Olketa toktok blong hem, bae hemi barava spoelem disfala kantri blong yumi. </span></span><span class="verse v11" data-usfm="AMO.7.11"><span class="label">11</span><span class="content">Wanem hemi gohed fo talem nao hemi olsem, ?King Jeroboam bae hemi dae long faet, an yufala pipol blong Israel, olketa enemi bae i fosim yufala fo lusim lan blong yufala.&#8217; &#8221;</span></span></div><div class="p"><span class="verse v11" data-usfm="AMO.7.11"><span class="content">  </span></span><span class="verse v12" data-usfm="AMO.7.12"><span class="label">12</span><span class="content">Amasaea hemi kam an tok olsem long mi, ?Yu, man hu hemi save lukim olketa spesol drim, yu gobaek long Jiuda. Long datfala ples nao bae yu talemaot profesi blong yu, an olketa pipol long ples blong yu nao bae i save peim yu. </span></span><span class="verse v13" data-usfm="AMO.7.13"><span class="label">13</span><span class="content">Yu mas no talemaot moa profesi blong yu long Betel, bikos ples ya hemi tambuples blong king fo mekem wosip.?</span></span></div><div class="p"><span class="verse v13" data-usfm="AMO.7.13"><span class="content">  </span></span><span class="verse v14" data-usfm="AMO.7.14"><span class="label">14</span><span class="content">Mi ansarem hem olsem, ?Waka blong mi hemi no olsem waka blong olketa profet. Mi man fo lukaftarem nomoa olketa buluka an sipsip blong mi ya, an mi gohed fo lukaftarem nomoa plantesin blong mi long olketa fig tri. </span></span><span class="verse v15" data-usfm="AMO.7.15"><span class="label">15</span><span class="content">Bat Yawe nao hemi tekem mi aot from waka blong mi, an hemi tokstrong long mi fo kam talemaot toktok blong hem fo yufala olketa pipol blong hem long Israel. </span></span><span class="verse v16" data-usfm="AMO.7.16"><span class="label">16</span><span class="content">!Amasaea! !Yu lisin gudfala long disfala Mesij blong Yawe! Yu talem mi fo no talemaot profesi blong hem, an fo no tokagensim yufala blong Israel. </span></span><span class="verse v17" data-usfm="AMO.7.17"><span class="label">17</span><span class="content">Dastawe nao Yawe hemi tok olsem, ?Waef blong yu bae hemi kamap wanfala juri woman insaet long disfala taon, an evri pikinini blong yutufala bae i dae long faet. Bae olketa narafala pipol nao i divaedem olketa graon blong yu long olketa seleva, an bae yu dae long kantri blong olketa hiden pipol. An olketa enemi bae i kam an fosim yufala evriwan long Israel fo lusim lan blong yufala.&#8217;</span></span></div>
      </div>
   </div>
</div>

Pijin Catholic Bible © Bible Society of the South Pacific, 2008.

(Profet) Lod Yawe hemi somaot wanfala samting long mi long wanfala spesol drim. Long datfala spesol drim, olketa man blong king i katem finis gras fo olketa animol blong hem fo kaikaim long taem wea hemi kol tumas, an niufala gras hemi stat fo grou moa. An mi lukim dat Yawe hemi mekem olketa grashopa i kamaot an kaikaim evri niufala gras ya, go-go olketa barava finisim evrisamting wea hemi grou long datfala ples. An mi tok olsem, ?!Lod Yawe! !Plis yu fogivim sin blong olketa pipol blong yu long Israel! ?Sapos yu panisim olketa pipol ya olsem, hao nao bae olketa save laef??
So, from wanem mi bin talem, Yawe hemi sensim tingting blong hem an hemi tok olsem, ?Oraet. Disfala samting wea yu bin lukim, bae hemi no hapen.?
Bihaen, Lod Yawe hemi som narafala spesol drim long mi. Long datfala spesol drim, mi lukim dat Yawe hemi redim wanfala bikfala faea fo bonem olketa pipol blong hem hu hemi panisim olketa. Nomata solwata hemi barava dip fogud, bat bikfala faea ya hemi draemap finis nomoa, an mi lukim dat hemi stat fo bonem graon. Mi tok moa olsem, ?!Lod Yawe! !Plis yu kilim dae disfala faea! ?Sapos yu panisim olketa pipol ya olsem, hao nao bae olketa save laef??
So, Lod Yawe hemi sensim tingting blong hem, an hemi tok moa olsem, ?Oraet. Disfala samting tu bae hemi no hapen.?
Yawe hemi som narafala spesol drim long mi. Long datfala spesol drim, mi lukim dat hemi stanap kolsap long wanfala wolston wea olketa bin stretem long ledlaen taem olketa wakem, an mi lukim dat hemi holem tu wanfala ledlaen. Hemi askem mi olsem, ?Emos. ?Waswe, yu save long disfala samting wea mi holem??
An mi tok olsem, ?Ya, wanfala ledlaen ya.?
Hemi tok moa olsem long mi, ?Mi yusim disfala samting fo somaot long olketa pipol blong mi, wea wei blong olketa hemi nating stret, olsem wolston wea hemi no stret. Mi no save sensim tingting blong mi nao, bae mi mas panisim olketa. Bae mi spoelem finis olketa ples fo mekem wosip wea i blong pipol blong Israel. An bae mi kilim dae evriwan wea bae i bon kam long laen blong King Jeroboam.?

(Profet) Amasaea hu hemi prist long Betel, hemi sendem ripot abaotem mi go long King Jeroboam hu hemi king long Israel. Ripot ya hemi olsem, ?Disfala Emos hemi gohed fo mekem olketa pipol i kam tugeta wetem hem fo mekem plan agensim yu. Olketa toktok blong hem, bae hemi barava spoelem disfala kantri blong yumi. Wanem hemi gohed fo talem nao hemi olsem, ?King Jeroboam bae hemi dae long faet, an yufala pipol blong Israel, olketa enemi bae i fosim yufala fo lusim lan blong yufala.’ ”
Amasaea hemi kam an tok olsem long mi, ?Yu, man hu hemi save lukim olketa spesol drim, yu gobaek long Jiuda. Long datfala ples nao bae yu talemaot profesi blong yu, an olketa pipol long ples blong yu nao bae i save peim yu. Yu mas no talemaot moa profesi blong yu long Betel, bikos ples ya hemi tambuples blong king fo mekem wosip.?
Mi ansarem hem olsem, ?Waka blong mi hemi no olsem waka blong olketa profet. Mi man fo lukaftarem nomoa olketa buluka an sipsip blong mi ya, an mi gohed fo lukaftarem nomoa plantesin blong mi long olketa fig tri. Bat Yawe nao hemi tekem mi aot from waka blong mi, an hemi tokstrong long mi fo kam talemaot toktok blong hem fo yufala olketa pipol blong hem long Israel. !Amasaea! !Yu lisin gudfala long disfala Mesij blong Yawe! Yu talem mi fo no talemaot profesi blong hem, an fo no tokagensim yufala blong Israel. Dastawe nao Yawe hemi tok olsem, ?Waef blong yu bae hemi kamap wanfala juri woman insaet long disfala taon, an evri pikinini blong yutufala bae i dae long faet. Bae olketa narafala pipol nao i divaedem olketa graon blong yu long olketa seleva, an bae yu dae long kantri blong olketa hiden pipol. An olketa enemi bae i kam an fosim yufala evriwan long Israel fo lusim lan blong yufala.’

Terera ku Emos 7