Arabic, North Levantine Spoken: العامية اللبنانية بالقافية (Portions)

العامية اللبنانية بالقافية

بارك الله نوح (عليه السلام) وولادُه وقلُّن: "تْكاتَروا وملّوا الأرض، ورح تخاف منكُن كلّ الحيوانات والطيور والزواحِف وسمك البحر كمان، لإنّي جعلتكُن أسياد عليها. ورح تكون كلّها طعام إلكُن، متل ما كان النبات الأخضر من قبل طعامكُن. بس ما تاكلوا لحم بدمُّه، ودمكُن إذا سفكُه حيوان أنا بحاسبُه وبحاسِب كلّ إنسان بيقتُل خيُّه الإنسان. يلّي بيسفك دمّ إنسان بينسفَك دمُّه، أنا خَلَقِت الإنسان حتى يكون ظلّنا عالارض. فتْكاتَروا وانتشروا وعيشوا حياتكُن عالأرض وسيطْروا عَلَيها". وأوحى سبحانُه لنوح (عليه السلام) وولادُه وقال: "رح أعمل عهد معكُن ومع نسلكُن من بعدكُن، ومع كلّ كائِن حيّ طُلِع معكُن عالسفينة، من بهايِم وحيوانات بريّة وطيور. نعم، رح أعمُل عهدي معكُن وما رح تبيد ميّ الطوفان كل الكائنات بعد هلأ، وأبداً مش رح إبعَت مرّة تانية متل هيك طوفان يخرّب كلّ الأرض". وأضاف تعالى وقال: "ورح حطّ علامة تثبِّت عهدي يلّي عملتُه معكُن ومع كلّ كائن حيّ على مرّ الاجيال. العلامة هيّ قوس القزح. بس إبعَت الغيوم ويعملوا قوس قزح، بكون تذكير بعهدي يلّي بيني وبين كلّ نفس حيّة من إنسان وحيوان. وهيدي العلامة بتقول إنّي حافظ لعهدي بيني وبين كلّ الكائِنات للأبد."

Terera ku قصص من كتاب التكوين 9