Arabic, North Levantine Spoken: العامية اللبنانية بالقافية (Portions)

العامية اللبنانية بالقافية

كتب الحواري بولس رسالة لأتباع المسيح (سلامه علينا)، يلّي بولاية غلاطية، بتركيا اليوم، وقلُّن:
"السلام عليكُم يا إخواني بالإيمان، صحيح إنّه سيّدنا المسيح (سلامه علينا) حرّركُن من تقاليد اليهود والوثنيين. بس ما تسمحوا لهالحريّة إنّه تفتح مجال لنفسكُن الأمّارة بالسوء. ولكن اخدموا بعضكُن البعض بمحبّة. لأنّه كلّ شريعة النبي موسى بتتلخّص بهالوصيّة: "حبّ جارَك متل ما بتحبّ حالَك".
بس إذا بتضَلّوا عم تنهشوا وتاكلوا بعض، رح تقضوا على بعض!
فقصدي قول، خلّوا روح الله القدّوس تعينكُن، وهيك ما بتلحقوا النفس الأمّارة بالسوء ورغباتها. لأنّه رغبات هالنفس هيّ عكس إرادة روحُه تعالى، وإرادة روحه تعالى هي عكس رغبات هالنفس، فكلّ طبيعة منهُن بتقاوِم التانية، لحتّى ما تعملوا شو بدكُن. ولكن إذا روح الله القدّوس كان المعين إلكُن، فساعتا ما بتكونوا تحت حكم الشريعة.
فالأعمال الناتجة عن النفس الأمّارة بالسوء ورغباتها معروفة وهيّ:
الزنى، النجاسة، الدعارة، عبادة الأصنام، السحر، العداوات، الخصام، الغيرة، الغضب، المنافسة، والتحزّب. الحسد، القتل، السكر، والبَطَر، وإشيا متل هيك.
ومتل ما سبق وحذّرتكُن، عم برجَع حذّركُن: إنّه يلّي بمارِس هالأفعال ما رح يكون إلُه نصيب بالمملكة الربّانيّة.
بالمقابِل، فثمر روح الله القدّوس هيّ: المحبّة، الفرح، السّلام، الصّبر، اللطف، الخير، والأمانة. والوداعة، وضبط النفس، وما في ولا أيّ شرع بيمنَع متل هالفضايِل.
فكلّ أتباع سيّدنا عيسى المسيح (سلامه علينا) صلبوا نفسُن الأمّارة بالسوء. وبما إنّه عايشين لأنّه فينا روح، فخلّي روح الله القدّوس تعين هالروح. وخلّينا ما نتكبّر عبعض ولا نستفزّ بعض، ولا نحسُد بعضنا البعض.

Terera ku غلاطية 5