If you would like a copy of this version please contact info@davaraudiobibles.org

Bhaibheri Rakachena muChindau

<div class="version vid1694 iso6393ndc" data-vid="1694" data-iso6393="ndc">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Ndizvo denga nenyika zvakapedzwa ngokudaro, nazvo zveshe ngouwandu hwazvo. 2Ngezuva rechinomwe Mwari wakapedza mushando wake waakaita, naye wakazorora ngezuva rechinomwe kubva kumushando wake weshe waakaita. 3Ndizvo Mwari wakafumisa zuva rechinomwe akarichenesa, ngokuti ngeiro zuva Mwari wakazorora kubva kumushando wake weshe waakaita wokusika.</div><div class="p"> 4Aya ndiwo masikirwe edenga nenyika.</div><div class="s">Munda weEdheni</div><div class="p">Ngezuva iro Mambo Mwari raakasika ndiro nyika nedenga, 5naapo kusati kwatongo apo nechisimwa cheshango munyika, nomuriwo naumwe waiya wamera, ngokuti Mambo Mwari waiya asati aita kuti mvura inaye padera penyika, paiya pasina munhu wokurima ivhu; 6asi mhute yakapwititika kubva panyika, ikanyakatisa padera pemavhu eshe. 7NaMambo Mwari wakasika munhu ngebukuta remavhu, akafemera mumiro dzake mweya wokupona; nomunhu wakaita unopona. 8NaMambo Mwari wakasima munda muEdheni ngokumabvazuva, ndimwo umwo mwaakaisa munhu waakasika. 9Kubva mumavhu Mambo Mwari wakameresa miti yeshe inodakadza madziso, neinonaka kudya; nomuti wokupona waiyawo pakati pomunda, nomuti woruziyo rwezvakanaka nezvakashata.</div><div class="p"> 10Rwizi rwakanyuka kubva muEdheni kudiridzira munda; nokubvamwo rwakaparadzaniswa kuita mhararano mirongomuna. 11Zina rorwizi rwokutanga runozwi Phishoni; ndirwo runopopoma kutendenedza nyika yeshe yeHavhira, umwo muno mukore; 12nomukore wenyika iyo wakanaka; kuripo bedheriamu nemapuwe eonikisi arimwo. 13Zina rorwizi rwechipiri runozwi Gihoni;#2:13 Gihoni: Kuronza mufuya Naeri. ndirwo runopopoma kutendenedza nyika yeshe yeKhushi.#2:13 Nyika yeshe yeKhushi: Kuronza nyika yeEthiopia nerupande rweSudan. 14Zina rorwizi rwechitatu runozwi Tigrisi; ndirwo runopopoma ngokumabvazuva kweAsiria. Norwizi rwechirongomuna runozwi Yufratesi.</div><div class="p"> 15Mambo Mwari wakatora munhu, akamuisa mumunda weEdheni kuti aurime nokuungwarira. 16NaMambo Mwari wakapanga munhu echiti, &#8220;Ungadya kumuti weshe womumunda; 17asi kumuti woruziyo rwezvakanaka nezvakashata usazodya, ngokuti ngezuva rounozodya kwouri ngegwinyiso unozofa.&#8221;</div><div class="p"> 18NaMambo Mwari wakati, &#8220;Akuzi kunaka kuti munhu agare ari ega; ndinozomuitira mudetseri wakamunakira.&#8221; 19Ndizvo kubva kumavhu Mambo Mwari wakasika mhuka dzeshe dzomushango, neshiri dzeshe dzomumweya, akazviunza kumunhu aone kuti unozozvidudza zina rokutinyi. Nezina iro raakadudza munhu kuchisikwa cheshe chinopona, ndiro rakaa zina racho. 20Munhu wakadudza mazina ezvifuyo zveshe, nokushiri dzomumweya, nokuzvikara zvomushango; asi kumunhu akuzi kuoneka mudetseri wakamunakira. 21Ndizvo Mambo Mwari wakaita kuti hope dzemadzikirira dzigumire munhu, naapo wakaata; wakatora rumwe rwenhii dzake, akanamira nyama pandau yarwo. 22Mambo Mwari wakanasira mukadzi ngorunhii urwo rwaakatora kubva kumwamuna, akamuunza kunomwamuna.</div><div class="q"> 23Nomwamuna wakati,</div><div class="q">&#8220;Zvino uyu uri godo remagodo angu,</div><div class="q">nenyama yenyama yangu.</div><div class="q">Unozodudzwa kuti, &#8216;Mukadzi,&#8217;</div><div class="q">ngokuti wakabviswa kunomwamuna.&#8221;</div><div class="m"> 24Ngeiyi ndaa mwamuna unozosiya baba ake namai, unozonamatira kumukadzi wake; naavo vairi vanozoita nyama imweyo. 25Navo veshe vaiya vari mititinini, mwamuna nomukadzi wake, avazi kutsveruka.</div>
 </div>
 </div>
</div>

Ndizvo denga nenyika zvakapedzwa ngokudaro, nazvo zveshe ngouwandu hwazvo. Ngezuva rechinomwe Mwari wakapedza mushando wake waakaita, naye wakazorora ngezuva rechinomwe kubva kumushando wake weshe waakaita. Ndizvo Mwari wakafumisa zuva rechinomwe akarichenesa, ngokuti ngeiro zuva Mwari wakazorora kubva kumushando wake weshe waakaita wokusika.
Aya ndiwo masikirwe edenga nenyika.

Ngezuva iro Mambo Mwari raakasika ndiro nyika nedenga, naapo kusati kwatongo apo nechisimwa cheshango munyika, nomuriwo naumwe waiya wamera, ngokuti Mambo Mwari waiya asati aita kuti mvura inaye padera penyika, paiya pasina munhu wokurima ivhu; asi mhute yakapwititika kubva panyika, ikanyakatisa padera pemavhu eshe. NaMambo Mwari wakasika munhu ngebukuta remavhu, akafemera mumiro dzake mweya wokupona; nomunhu wakaita unopona. NaMambo Mwari wakasima munda muEdheni ngokumabvazuva, ndimwo umwo mwaakaisa munhu waakasika. Kubva mumavhu Mambo Mwari wakameresa miti yeshe inodakadza madziso, neinonaka kudya; nomuti wokupona waiyawo pakati pomunda, nomuti woruziyo rwezvakanaka nezvakashata.
Rwizi rwakanyuka kubva muEdheni kudiridzira munda; nokubvamwo rwakaparadzaniswa kuita mhararano mirongomuna. Zina rorwizi rwokutanga runozwi Phishoni; ndirwo runopopoma kutendenedza nyika yeshe yeHavhira, umwo muno mukore; nomukore wenyika iyo wakanaka; kuripo bedheriamu nemapuwe eonikisi arimwo. Zina rorwizi rwechipiri runozwi Gihoni; ndirwo runopopoma kutendenedza nyika yeshe yeKhushi. Zina rorwizi rwechitatu runozwi Tigrisi; ndirwo runopopoma ngokumabvazuva kweAsiria. Norwizi rwechirongomuna runozwi Yufratesi.
Mambo Mwari wakatora munhu, akamuisa mumunda weEdheni kuti aurime nokuungwarira. NaMambo Mwari wakapanga munhu echiti, “Ungadya kumuti weshe womumunda; asi kumuti woruziyo rwezvakanaka nezvakashata usazodya, ngokuti ngezuva rounozodya kwouri ngegwinyiso unozofa.”
NaMambo Mwari wakati, “Akuzi kunaka kuti munhu agare ari ega; ndinozomuitira mudetseri wakamunakira.” Ndizvo kubva kumavhu Mambo Mwari wakasika mhuka dzeshe dzomushango, neshiri dzeshe dzomumweya, akazviunza kumunhu aone kuti unozozvidudza zina rokutinyi. Nezina iro raakadudza munhu kuchisikwa cheshe chinopona, ndiro rakaa zina racho. Munhu wakadudza mazina ezvifuyo zveshe, nokushiri dzomumweya, nokuzvikara zvomushango; asi kumunhu akuzi kuoneka mudetseri wakamunakira. Ndizvo Mambo Mwari wakaita kuti hope dzemadzikirira dzigumire munhu, naapo wakaata; wakatora rumwe rwenhii dzake, akanamira nyama pandau yarwo. Mambo Mwari wakanasira mukadzi ngorunhii urwo rwaakatora kubva kumwamuna, akamuunza kunomwamuna.
Nomwamuna wakati,
“Zvino uyu uri godo remagodo angu,
nenyama yenyama yangu.
Unozodudzwa kuti, ‘Mukadzi,’
ngokuti wakabviswa kunomwamuna.”
Ngeiyi ndaa mwamuna unozosiya baba ake namai, unozonamatira kumukadzi wake; naavo vairi vanozoita nyama imweyo. Navo veshe vaiya vari mititinini, mwamuna nomukadzi wake, avazi kutsveruka.

Terera ku Gen. 2