<div class="version vid1313 iso6393mbb" data-vid="1313" data-iso6393="mbb">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt1"><span class="content">Is Mehitenged te Nengeulaula teMenge Epustul ni Jesu Kristu</span></div><div class="ip"><span class="content">Is midsurat kayi he libru te egngezanan te Nengeulaula te Menge Epustul ni Jesu Kristu, iyan is duktur he egngezanan ki Lucas. Ne sumpul heini te nehuna he surat din mehitenged te mibpen-ulaula ni Jesus hein kayi pa sikandin te kelibutan su waz&#232; pa sikandin med-ul&#236; diy&#224; te langit. Ne egkevasa ta kayi te ikezuwa he surat din is duma he menge vaal ni Jesus su impelaus din is menge vaal zin pinaag&#821;i te Wag&#821;as he Mulin-ulin he impeulin din te menge sakup din.</span></div><div class="ip"><span class="content">Nevatun si Jesus pehendiy&#224; te langit, piru hein waz&#232; pa haaz&#224; meulaula, ke sikandin diy&#224; te menge epustul te, &#8220;Ebeg&#821;ayan kew zin te g&#821;ehem emun egkelumunan kew en te Wag&#821;as he Mulin-ulin, ne is tudtul te keag&#821;i ku, idsangyew niw zini te Hiruselim wey id-eneb niw zini te prubinsya he Hudiya wey ziy&#224; daan te prubinsya he Semarya wey minsan hendei zini te egketemanan te kelibutan&#8221; (Nengeulaula 1:8). Ne iyan iyan haaz&#224; nehitav&#249; su iyan dan midhunaan sengyawi te Meupiya he Tudtulanen mehitenged ki Jesu Kristu is inged he Hiruselim, ne zutun mahabet he menge Hudiyu is nemeketuu ki Jesus (Nengeulaula 1:1&#8211;8:3). Iyan, hein neuma is timpu he mibpesipelahan is menge sumusundan ni Jesus te zuma zan he menge Hudiyu ziy&#224; te Hiruselim he waz&#224; medtuu ki Jesus, nemelag&#821;uy sikandan pehendiy&#224; te prubinsya he Hudiya wey Semarya. Ne hein dutun dan en, insangyew zan is Meupiya he Tudtulanen taman te mahabet en dutun is nemeketuu ki Jesus (8:4&#8211;12:25).</span></div><div class="ip"><span class="content">Neuma is timpu he zutun midtig&#821;um is menge tumutuu zuen te inged he Entiyukya ne midsug&#821;&#249; dan si Pablo wey si Birnabi te kedlayun te zag&#821;at pehendiy&#224; te meziy&#249; he menge lugar su wey zan daan mekewali zutun. Ne puun dutun insangyew ni Pablo is Meupiya he Tudtulanen mehitenged ki Jesus diy&#224; te mezakel he nekedseselekaw&#224; he menge inged lavew en diy&#224; te menge etew zutun he ken&#224; menge Hudiyu (13:1&#8211;28:31). Ne heini is kedseweza te tudtul mehitenged ki Jesus taman en guntaan is ked-ul-ulaha kayi, su is Wag&#821;as he Mulin-ulin, kemulu ebeg&#821;ey te g&#821;ehem diy&#224; te menge sakup ni Jesus su wey mekezineg te Meupiya he Tudtulanen is minsan hentei.</span></div>
      </div>
   </div>
</div>

Is Mehitenged te Nengeulaula teMenge Epustul ni Jesu Kristu
Is midsurat kayi he libru te egngezanan te Nengeulaula te Menge Epustul ni Jesu Kristu, iyan is duktur he egngezanan ki Lucas. Ne sumpul heini te nehuna he surat din mehitenged te mibpen-ulaula ni Jesus hein kayi pa sikandin te kelibutan su wazè pa sikandin med-ulì diyà te langit. Ne egkevasa ta kayi te ikezuwa he surat din is duma he menge vaal ni Jesus su impelaus din is menge vaal zin pinaag̵i te Wag̵as he Mulin-ulin he impeulin din te menge sakup din.
Nevatun si Jesus pehendiyà te langit, piru hein wazè pa haazà meulaula, ke sikandin diyà te menge epustul te, “Ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan” (Nengeulaula 1:8). Ne iyan iyan haazà nehitavù su iyan dan midhunaan sengyawi te Meupiya he Tudtulanen mehitenged ki Jesu Kristu is inged he Hiruselim, ne zutun mahabet he menge Hudiyu is nemeketuu ki Jesus (Nengeulaula 1:1–8:3). Iyan, hein neuma is timpu he mibpesipelahan is menge sumusundan ni Jesus te zuma zan he menge Hudiyu ziyà te Hiruselim he wazà medtuu ki Jesus, nemelag̵uy sikandan pehendiyà te prubinsya he Hudiya wey Semarya. Ne hein dutun dan en, insangyew zan is Meupiya he Tudtulanen taman te mahabet en dutun is nemeketuu ki Jesus (8:4–12:25).
Neuma is timpu he zutun midtig̵um is menge tumutuu zuen te inged he Entiyukya ne midsug̵ù dan si Pablo wey si Birnabi te kedlayun te zag̵at pehendiyà te meziyù he menge lugar su wey zan daan mekewali zutun. Ne puun dutun insangyew ni Pablo is Meupiya he Tudtulanen mehitenged ki Jesus diyà te mezakel he nekedseselekawà he menge inged lavew en diyà te menge etew zutun he kenà menge Hudiyu (13:1–28:31). Ne heini is kedseweza te tudtul mehitenged ki Jesus taman en guntaan is ked-ul-ulaha kayi, su is Wag̵as he Mulin-ulin, kemulu ebeg̵ey te g̵ehem diyà te menge sakup ni Jesus su wey mekezineg te Meupiya he Tudtulanen is minsan hentei.

Terera ku Nengeulaula Is Mehitenged te Nengeulaula teMenge Epustul ni Jesu Kristu