Salmos 129
129
1Johꜘ saꜙ gaꜙjmeehꜙ dsaˉ jnäꜘ läꜙji̱i̱hˈ maˊ mähnˈ.
Jähˊ hnähꜘ dsaˉ Israel.
2Johꜘ saꜙ gaꜙjmeehꜙ dsaˉ jnäꜘ läꜙji̱i̱hˈ maˊ mähnˈ.
Pero saꜙ gaꜙlɨyhꜗ maˉllaˉdsëëyˋ kinꜙ.
3Gaꜙgyo̱o̱yhꜗ sɨˊhnɨɨˋ kaˊluunꜙ, gaꜙjmeeyꜘ kinꜙ läꜙko̱o̱ˉ heˉ gaꜙhëyꜗ jwëˈ kaˊluunꜙ kya̱a̱hˊ ñeˈ kyahˉhwaꜗ.
4Pero DSAˉJØ̱Ø̱Hˈ jnänˋ hi̱ˉ llu̱u̱ꜗ goˉte˜,
gaꜙlä̱ä̱yꜗ jnäꜘ jaˊgooˉ hi̱ˉ hñaaˉ dsëꜗ heꜘ.
5Waˊ jä̱ꜘ oˉhihꜙ, waˊ dsaˉje̱e̱h˜ taꜙ kaˊluuˊ
läꜙjë̱ë̱ꜙ hi̱ˉ naˉhøøhˊ kihˈ jwɨɨˉ Sión.
6Waˊ leꜘ kiyhꜗ läꜙko̱o̱ˉ waˊnaaꜘ heˉ dsaˉhyaꜙ gyʉʉhˈ hneꜗ
heˉ dsaˉläˉki̱i̱ˉ waˊraˉ gaꜙhëhꜗ hyooˉ.
7Waˊraˉ jähꜘ kihꜗ hi̱ˉ jʉhˉlä̱ä̱h˜ heˉ ja̱ˉ,
lɨhꜘ baˊ jʉhˉlä̱ä̱hꜗ läꜙji̱i̱hˈ tëꜗ ko̱o̱ˉ cho̱o̱hˊ.
8Läꜙjë̱ë̱ꜙ hi̱ˉ dsaˉngëëꜘ taꜙ ja̱ˉ, taꜙ waˊ jäyhꜘ sɨɨyhꜙ:
“Dio kya̱a̱hˊ hnähꜘ.”
Taꜙ waˊ jäyhꜘ sɨɨyhꜙ:
“Waˊ miˉjä̱ä̱ꜗ Dio hnähꜘ.”
Trenutno izbrano:
Salmos 129: chz
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
© 2003, Wycliffe Bible Translators, Inc. All rights reserved.