32
Wawqen Esauwan Jacob tupanakusqanmanta
1Jacob richkaptinmi Diospa angelninkuna chaskiqnin lloqsimurqa. 2Chaymi Jacobqa paykunata rikuruspan nirqa:
Diospa campamentonmi kayqa, nispa.
Hinaspam chay lugarta #32.2 Hebreo simipi Mahanaim ninanqa “Iskay campamentokuna” ninanmi.Mahanaimwan suticharqa.
3Chaymantam willakuqkunata Jacobqa wawqen Esauman kacharqa, Seir law Edom nacionpi kachkaptin, 4kaynata nimunankupaq:
Serviqniki Jacobmi kaynata nin: “Kunankamam tionchik Labanwan yacha-murqani. 5Kunanqa kapuwanñam va-caykuna, asnoykuna, ovejaykuna, cabray-kuna chaynataq criadoykunawan criadaykunapas, chaymi qam señorniyman willachimuyki llakipayariykuwaspa chaskiykuwanaykipaq”, nispa.
6Chay willakuqkunam kutimuspanku Jacobman kaynata willarqaku:
Wawqeki Esaumanmi rirqaniku, chaymi paypas tawa pachak runakunawan chaskisuqniki hamuchkan, nispanku.
7Chaymi Jacobqa anchata mancharikuspan hukmanyarurqa, hinaspam paywan kaq runakunata, ovejakunata, vacakunata chaynallataq camellokunatapas iskayman rakirurqa, 8kaynata tanteaspa: “Esaú hamuspa huknin atajotaña wañurachiptinpas hukninqa lluptinqam”, nispa. 9Chaymantam Jacobqa Diosta maña-kurqa:
Abueloy Abrahampa chaynataq taytay Isaacpa yupaychasqan Tayta Dios, qanmi niwarqanki:
“Taytaykipa aylluykikunapa kasqanman kutikuy, hinaptinmi allinta ruwasqayki nispayki”. 10Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki. 11Wawqey Esaumanta libraykullaway, paytaqa manchakunim. Hamuruspachá warmi-kunata, wawakunata wañurachinqa. 12#Gn 22.17.Qamtaqmi niwarqanki: “Ñoqam yanapasqayki allin kanaykipaq chaynataq lamar qochapi aqo hinaña mana yupay atina mirayniyuq kanaykipaq”, nispayki.
13Chay tutam Jacob chaypi puñururqa, hinaspam akllarqa kapuqninkunamanta wawqen Esauman qonanpaq: 14Iskay pachak cabrakunata, iskay chunka chivatokunata, iskay pachak ovejakunata, chunka carnerokunata, 15kimsa chunka china camellokunata uñantintakama, tawa chunka vacakunata, chunka novillokunata, iskay chunka china asnokunata, chunka orqo asnokunata. 16Hinaspam sapa atajota serviqninkunaman kunaykuspa kamachirqa:
Ñawpachiychik huknin atajomanta karunchasqatakama, nispan.
17Punta riqtam nirqa:
Wawqey Esauwan tupaptiki: “¿Pitaq kachkanki? ¿Maytataq richkanki? ¿Pipataq kay qatisqayki animalkuna?” nispa tapusuptikiqa 18kaynatam ninki: “Señorlláy Esaú, kaykunataqa serviqniki Jacobmi qanman apachimuwarqa, paypas qepaykutam hamuchkan”, nispa.
19Chaynallata ninankupaqmi kamachirqa punta riqtawan qepa riqkunatapas.
Esauwan tupaspaykichikqa chay nisqayman hinam ninkichik: 20“Serviqniki Jacobqa qepaykutam hamuchkan”, nispa.
Chaynataqa nirqa kaynata yuyaymanaspam:
Regalokunata puntarachispaymi piñakuyninmanta sonqonta tiyaykachisaq, hinaspañam tupaykusaq, icharaqpas chaskiykuwanman, nispa.
21Chaynapim puntata regalokunata apachirqa, hinaspanmi chay tuta campamentopi puñurqa.
Angelwan Jacob peleasqanmanta
22Hina chay tutallam Jacobqa iskaynin warminkunata, iskaynin criadankunata, chunka hukniyuq churinkunata hatarichispa Jaboc mayupa vadonta chimparachirqa. 23Chimpa-chirqataqmi llapa kapuqninkunata-pas. 24Jacobñataqmi sapallan qeparurqa, chaypim huk runawan achikyanankama pelearqa. 25Chay runam mana venceyta atispa Jacobta pierna kuchunpi waqtarurqa, chaymi Jacobpa huknin piernan moqakururqa. 26Chay qarim Jacobta nirqa:
Achikyamuchkanñam, kachaykuway pasakunaypaq, nispa.
Jacobñataqmi nirqa:
Mana bendeciwaptikiqa manam kacharisqaykichu, nispa.
27Chaymi chay runa tapurqa:
¿Imataq sutiki? nispa.
Payñataqmi nirqa:
Jacobmi, nispa.
28 #
Gn 35.10. Hinaptinmi chay runa nirqa:
Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.
29Jacobñataqmi chay runata tapurqa:
Kunanyá sutikita willaykuway, nispa.
Payñataqmi nirqa:
¿Imapaqtaq sutiymanta tapuwanki? nispa.
Hinaspanmi chaypi bendeciykurqa. 30Chaynapim Jacobqa chay lugarta #32.30 Hebreo simipi Peniel ninanqa “Diospa uyan” ninanmi.Penielwan suticharqa, kaynata nispa:
Diosta rikuruchkaspaypas kawsachkaniraqmi, nispa.
31Chaymantam Jacobqa wistutyastin rirqa, Penielta pasaruptinñam inti qespiramurqa. 32Jacobta pierna kuchunpi waqtarusqanraykum Israel runakunaqa mana mikunkuchu animalpa piernanpi kaq ankuntaqa kunan punchawkamapas.