Priljubljene svetopisemske vrstice iz ROM 3

Deli

zecawtamaw tatah ming vytei cawh a suapaw longtei cang he peh ka, Khazing rungnawnah khah phah khy tlang bei peh. Taico kaaning kaa suanah taitah a ma tlangtu Khri Zisu ningdonah thongtah mai lytah thai a ma cangsah.

Zisu Khri zingnah thongtah Khazing taitei dingnah cawh zingtu vytei cung letah a va chuh. Patliapatlanah zehmai ung be

Zisu Khri cawh Khazing tah thisai tah ngethainah a tuatu ruapaw tah a tingpaw cang ka, ma ngethainah cawh Zisu Khri zingnah thongtah hmuh ruapaw a cang. Khazing tah ma a tuapaw cawh a dingnah palangnah cawtah a cang zecawtamaw tatah alungsynah tah khahlai tei za tuapaw suanah sahlo khah dangtah lytah a seisai he. Taico ato cai leco a dingpaw Khazing a cang zia khah a langsah ka, Zisu Khri a zingpaw maikaw khah thai a cangsah he.

Macawtaco phungbia zuinah thongtah ahohmai Khazing hme letah thai a cangsah khypaw ung bei he. Phungbia tei a reipaw cawh aa suanah hnisah khah a cang thlang.

Capathai chung letah, “Mehding pakheh hmai ung bei he. A hnihthaipaw pakheh hmai ung bei he, Khazing a huipaw ahohmai ung bei he. Khazing a huipaw ahohmai ung bei he. Mehnung vytei cawh lang pave thah he ka, aa zongming teitah hmokheh tah mai hnui ly a cang he. Chahnah a tuapaw ahohmai ung bei he, pakheh tei hmai ung bei he.”

Zecawtamaw tatah kaa tlepaw peh cawh cawngsaw cawh zingnah thongtah thai cysah a cang, phungbia zuinah thongtah cang be.

Cang hrahring be, kaa zongmingtei tah hing bia a reipaw kaa cang tahmai Khazing cawh zingawh a tlah thly thly thlang. Capathai tah, “A reipaw bia cawh bia dih a cang tatah palang cang a ka, sua aa ca khing tihtah na bia khah na te a,” tatah a tahpaw hrakhei a cang.