Priljubljene svetopisemske vrstice iz রোমানরাংনা 6

Deli

পাপ জেখো মজুরী হ·ন্না উয়াদে সিয়া হং·আ, ইন্দিবা ইসল জেখো হ·ন্না উয়া আনচিংনি গিত্তেল খ্রীষ্ট যীশুও ফাংনাজলনি জাংগি।

না·সংদে পাপনি নকখল হং·জা, মুয়ানা না·সং ইসলনি খা·সাচাক্কানি নিং·আওসা দংআ, নিয়ামনি নিং·আওদে হং·জা।

আরো উনি গিম্মিন উয়া রিপ্পলাচা খ্রীষ্টমুং সিফাএ আনচিংনিবা গোপরাম হং·জক, ফাগিবা ইসল বিনি রাসংচা জেগিত্তা খ্রীষ্টখো সিয়াওনি থাংচাএতামিং উগিত্তা আনচিংবা জেদাক্কে গিত্তাল জাংগিনি রামাও রি·না মা·ন্না।

বে·এননি মামুং বাকখোন নামগিজা কামখো দাক্কানি জাকরিমরা গিত্তা পাপনি জাক্কো দা·আ হ·ন্নাবো। ইন্দিবা সিয়াওনি থাংচাগিবা মান্দি গিত্তা না·সং ইসলনি জাক্কো আন·থাংথাংখো হন·খামবো আরো খাকখেৎ কামখো দাক্কানি জাকরিমরা গিত্তা না·সংনি বে·এন গিম্মিকখোন ইসলনা হন·খামবো।

আনচিং ইখো হা·আইয়া, আনচিংনি পাপ-বেওয়ালখো গিম্মায়েতনান আনচিংনি গিৎচাম ‘আংআ’খো খ্রীষ্টমুং চিসলো দাৎখাপজক জেদাক্কে আনচিংখো পাপনি নকখল হং·এ দংনা নাংজা

উয়ানদাক্কেন ইয়া খাৎথাও ফাংচাকবো, খ্রীষ্ট যীশুমুং নাংরিমজক ইন্নে পাপনি দাবিচা না·সংবা সিজক, আরো দা·আও ইসলনি গিম্মিন না·সংবা থাংএ দংআ।

ইন্দাকোদে আনচিং ইখো আগান্নুয়ামা, ইসলনি খা·সাচাক্কা বাৎখানা ইন্নে আনচিং পাপ দাকখুনুয়া? হং·জা। পাপনি দাবিচা আনচিংদে সিজকান; ইন্দিদে বাদিকে দাক্কে আনচিং পাপনি রামাওনা রি·নুয়া?

না·সং ইখো হা·আইজামা, জেনসালো না·সং নকখল গিত্তা আন·থাংথাংখো সানিবা জাক্কো হ·ন্না আরো বিনি গি·য়েতাখো মানিয়ে দংআ উনসালো না·সং বিনি নকখল হং·আরিয়া? উয়ানদাক্কে না·সং পাপনি নকখল হং·এ সিনুয়া, হং·জাওদে ইসলনি নকখল হং·এ খাকখেৎ কামখো দাকনুয়া।

ইন্দিবা ইসলখো মিৎথেলনা, মুয়ানা না·সং পাপনি নকখল হং·আমিং ইন্দাকোবা জেখো না·সংনা স্খিজক খা·থং গিম্মিকচা না·সং উখো মানিজক। পাপওনি জক্কে না·সংদে খ্রাগিবানি নকখল হং·জক।