Priljubljene svetopisemske vrstice iz Roma Uram 14

Deli

Er Imtamnyi biryi, “Nira Iya Weik Sienyi amwetam bun nang kibmunci, Ni uram kunubde bindarur,” eboka namsurur ara, “A yina yibdarur, o yina yina mem,” ena kum namsurur. Eda, sun Er Imtamnyi amwetam bun nang ara Er Imtamnyi urasintam aryi teleb dinyi kunubde baraming. Tonda, yuk nang ab tonkwa antanirdeirirdaraming. Tonda, Er Imtamnyi Kanya Roh Kudus biriman aryi kilkil kanya boraming. Ati, sun ato kuboka nun Du Yesus Kristus Uram kunubde baramingnyi nang ati Er Imtamnyi biryi, “Ni mabwe nermabwe,” tenen dosurur. Tonda, ninyi yuk nang ababyi sun ato kun nang ati, “Teleb kun nang,” tenebkwansing.

Ara, nun kam kuramibyi ababyi, dibde baramibyi ababyi nunci, “Nun Nai Imtamnyi kanya teleb kubdeibkwayeb,” tenena akwe kunub. Ati, nun kam kuramibyi ababyi dibde baramibyi ababyi nunda Er Imtamnyi biti arungna nang kunub ati ebman.

Ati, nunci busul kuboka, “Yuk nang ab antanibdeibdankwayeb,” tenen ingkirikwayeb. Tonda, nunci, “Dib tenen nang yuk nang kanya asi katabum ebdeibdankwayeb,” tenen ingkirikwayeb.

Ati, sunci sun mamun ati, “Malyi nang,” eboka kererdana ati taklobdarur. Eda, sunci sun kanya dam aryi ato tenen kunubdarur. “Alib tenen dinyi lulubdabibyi uca, nunda dib tenen nang aryi nun damnyi asi talyi ati bisik sekdabibyei se,” tenen kunubdarur.

Er Imtamnyi Uram umbura aryi a deyok ati ato esurur. “Nira Imtamnyi iya kam kununyi biryi diboka kunubkwan uram ton ebkwinsin. Sun im dangna tukwe dangna nang nirya ara sun kutam ikdongoboka Ni si weik ebkwaning. Ninyi nirya ara, ‘Er Imtamnyi bitikwe molobde banub,’ eboka lak kibkwaning.” (Yesaya 49:18; 45:23) Ato eboka Er Imtamnyi biryi minob lak kibdeibsou. Ati, nun Nai Imtamnyi biryi nun deyok yuk-yuk lilibdeibkwansir ati, nun nirya yuk-yuk aryi Er Imtamnyi bisi, “Ato-ato kuboka kan kanya teleb kurdeiriranse,” ebkwanub. Tonda, nun yuk-yuk aryi nun Nai biti, “Ato-ato kuboka manmaliramoubwe,” ebkwanub.

Ni kwit yabwe. Sunda dib tenen nang kankan asi ton dib tenen nang ara ilil kuna kum kanya kum boraming asi sunda ilil kuna kum kanya bon nang aryi dobdobdarur. Ati, sunci, “A nang ara ilil kuna kum kanya kum boraming ati nunci bitabdeibkwayeb,” tenen dobdobmunyei. Eda, sunci lulurdana kum uca, a nang ati, “Nun kwit yabwe,” tenen dobdobdarur.

Er Imtamnyi bira nunda dib tenen nang nirya ati arungdeirisururnyi kurur ati, Er bitikwe nun kerebdeibsutinyi kurur. Nun nirya ara nun Nai biti arungna nang akwe kunub ati, nunci nun mamun ati kerebdabibyei. Nun Nai bitikwe nunda er wa arungna nang ati, “Teleb kuboka wa iraming,” tenen kisal dansururnyi kurur. Tonda, nun Nai bitikwe, “Malyi wa iraming,” tenen bitardeirisururnyi kurur ati ebman. Er Imtamnyi biryi, “Yuk nang aryi ni arungnina nang asi wenebingnyi bok, niryi sunsi tikeibkwan,” tenen Er arungna nang asi tikeibkwande ati mikib kurur ati ebman.