Priljubljene svetopisemske vrstice iz AROMA 16

Deli

Nake Ngai mwene thayũ nĩarĩhehenja Shaitani o narua mũmũrangĩrĩrie makinya-inĩ manyu. Wega wa Mwathani witũ Jesu Kristo ũroikara na inyuĩ. [Amen.]

Na rĩrĩ, ariũ a Ithe witũ, ndamũthaitha atĩ mwĩmenyagĩrĩre arĩa marehage nyamũkano o na maũndũ ma kũhĩngithia andũ, marĩa mataiguaine na ũhoro ũrĩa inyuĩ mwarutirũo: hũgũkai mũtigane nao.

Amu andũ ta acio, ti Mwathani witũ Kristo matungatagĩra, no nda ciao o ene; na tondũ wa ũrĩa ndeto ciao inyorokete na ikaiguwo ta irĩ njega, ngoro cia andũ arĩa matoĩ ũũru ikahenio nĩo.

Na rĩrĩ, Ngai nĩwe ũhotaga kũmwĩkĩra hinya na njĩra ĩrĩa nyonanie nĩ Ũhoro-ũrĩa-Mwega ’hunjagia, o ũrĩa wa kwanĩrĩra ũhoro wa Jesu Kristo; na nĩguo ũringaine na kũguũranĩrio kwa ũhoro wa hitho ũrĩa watũire ũhithĩtwo ũgaikara o ũguo ngiri mahinda marĩa ma mĩndĩ na mĩndĩ; naguo rĩu nĩ kuumĩrio uumĩrĩtio, na kũringana na ũrĩa Ngai, we ũtũũraga tene na tene aathanire-rĩ, nĩũmenyithagio andũ a ndũrĩrĩ ciothe na Maandĩko marĩa ma anabii, nĩ getha matuĩke aathĩku ũhoro-inĩ wa wĩtĩkio. Nake we Ngai, o we wiki mũũgĩ-rĩ, arotũũra agoocagwo na njĩra ya Jesu Kristo nginya tene na tene. Amen.