Priljubljene svetopisemske vrstice iz AROMA 14

Deli

nĩ ũndũ ũthamaki wa Ngai ti ũhoro wa kũrĩa na kũnyua, no nĩ wa ũthingu, na thayũ, o na gĩkeno, iria ciumaga kwĩ Roho Mũtheru. Nake ũrĩa ũtungatagĩra Kristo na njĩra icio nĩakenagĩrũo nĩ Ngai, o na akonagwo arĩ mwega nĩ andũ.

Nĩ ũndũ tũngĩkorũo tũgũtũũra muoyo, twatũũra tũrĩ a Mwathani; na tũngĩkorũo tũkuĩte, twakua tũrĩ o ro a Mwathani: tondũ ũcio-rĩ, o na kũngĩtuĩka nĩ rĩu tũrĩ muoyo, o na kana rĩrĩa tũngĩkorũo tũkuĩte-rĩ, tũrĩ o a Mwathani.

Hakĩrĩ ũguo-rĩ, nĩtũrũmagĩrĩrei maũndũ marĩa marehage thayũ, o na marĩa mangĩtũma tuonganagĩrĩre hinya

Tondũ ũcio-rĩ, nĩtũtigage gũcirithania ithuĩ ene: kaba mũtue atĩrĩ, atĩ mũndũ o na ũmwe ndakaneke mũrũ wa Ithe ũndũ wa kũmũgũithia njĩra-inĩ, kana wa kũmũhĩngithia.

Tondũ nĩ haandĩke ũũ: O ta ũrĩa ndũũraga-rĩ, (ũguo nĩguo Mwathani oiga,) gũtirĩ iru o na rĩrĩkũ rĩtagaturio mbere yakwa, O na rũrĩmĩ gũtirĩ o na rũmwe rũtagakumia Ngai. Hakĩrĩ ũguo-rĩ, ithuĩ ithuothe gũtirĩ ũtakaheana ũhoro wake we mwene mbere ya Ngai.

NA rĩrĩ, mũndũ ũrĩa ũkoragwo arĩ na wĩtĩkio mũnyinyi-rĩ, mwamũkĩrei, no ti atĩ mũmũcirithagĩrie maũndũ marĩa mathanganagĩrio.

Kaĩ wee ũrĩ ũ ũratuĩra ndungata yene? Mwene yo nowe wa gũtua kana nĩĩrũngiĩ wega kana nĩĩgũĩte. O na no kũrũgama ĩrĩrũgamithagio, nĩ ũndũ Mwathani nĩwe wĩ na hinya wa gũtũma ĩtũũre o ĩrũngiĩ.