Priljubljene svetopisemske vrstice iz THAMA 15

Deli

akiuga atĩrĩ, Ũngĩkorũo nĩũrĩiguaga na kĩyo mũno mũgambo wa Jehova Ngai waku, na wĩkage maũndũ marĩa monagwo maagĩrĩire nĩwe, o na ũthikagĩrĩrie maathani make, o na ũmenyagĩrĩre irĩra ciothe cia watho wake wa kũrũmĩrĩrũo, niĩ na niĩ ndikamũrehithĩrie mũrimũ o na ũmwe wa ĩrĩa ndarehithĩirie andũ a Misiri; nĩ gũkorũo niĩ nĩ niĩ Jehova ũrĩa ũkuhonagia.

Jehova nĩwe hinya wakwa, na nĩwe ndĩrĩinagĩra, Ningĩ nowe ũ’honoketie. Ũcio nĩwe Ngai wakwa, na nĩwe ndĩrĩgathaga; Ũcio nĩwe Ngai wa awa, na nĩwe ndĩrĩnenehagia.

Nĩ ngai ĩrĩkũ ya ngai iria ingĩ ĩhaana tawe, wee Jehova? Nĩ ĩrĩkũ ĩhaana tawe, wee mũnene mũno, ũikaraga wamũrĩtwo mũno, Na ũgetigĩrũo ũkĩgathagwo nĩ ũndũ wa magegania marĩa wĩkaga?

Nawe, tondũ wa tha ciaku, nĩũtongoretie andũ arĩa wakũũrire, Ũkamatongoria na hinya waku, ũkamatwara gĩikaro-inĩ gĩaku kĩamũre.

Na maakinya Mara, makĩremwo nĩ kũnyua maĩ macio ma Mara, nĩ ũndũ maarĩ marũrũ; na nĩkĩo gĩatũmaga hetwo ũguo, Mara. Andũ magĩgĩtetia Musa, makiuga atĩrĩ, Tũgũkĩnyua kĩ? Nake agĩkaĩra Jehova; nake Jehova akĩmuonia mũtĩ, akĩũikia maĩ-inĩ, namo maĩ macio makĩagĩra. Ningĩ hau nĩho Jehova aamaheereire kĩrĩra kĩa watho wa kũrũmĩrĩrũo, o na mũtugo ũrĩa aatuĩte, na nĩho aamagereirie