Priljubljene svetopisemske vrstice iz Máfíò 28

Deli

Ɔ jèɛɛ, ɓě mɛ mu ɖé ɓóɖó-dù séín ɓěɔ̀ gbo, ɓɛ́ ɓě kéɛ nyu, ɓɛ́ wa ké ní ɖeín-nà-nyɔ̀ ɓě jǔ. Ɓě mɛ po wa níɔ ɖé Ɓǎɔ̀ kè Dyú-gààɔ̀ ɔ kè Zùù Hwɛ̀ǐn-hwɛ̀ǐnɔ̀ nyɛ́nɛ́ mú. Ɓě mɛ tɛ̀mɛ̀ìn wa ɖɛ séín ɓě ɓɛ́ ḿ ɖǎ ma ɓě gbo cɛ̃ɛ, ɓɛ́ wa kéɛ dyi kpɔ̃. Ké ɔ mɛ nì ɓě hwìɖǐi kà ní mu ɓě gbo nììn tee, ɓɛ́ ɖɛ séín ké mánáín hwɛ̀ kɛ.”

Ké Jízɛ̀ xwɛ̃́ìn ma wa bũ̌in, ké ɔ cɛ̃ɛ ma wa gbo, ké ɔ ɖá, “Gèɖèpɔ́ɔ̀ ɖǎ kpé séín nì ɖé dyɔún kè nɔ̄ ɓóɖó-kpàà kɔ̃ɛɛ ḿ nyí.

Ké ínjà ɓɛ́ ɔ kò ma kà sɔ́ɔ́-kpòɔ̀ kɔ̃ɛɛ wùɖù ma màa ɓěɔ̀ gbo, ké ɔ ɖá, “Ɓěǐn ɖá ɓɛ́ ɓě ké fɛ̃̀ìn. Ḿ dyuò kà ɓě nì Jízɛ̀ ɓɛ́ wa kɔ̀ìn ma kà kɔ́ɖɔ́sìɔ̀ kɔ̃in nyɛɛ dyi mɔ́uń wɛ̃. Ɔ se dà nì. Ɔ ɖǎ gĩɔ wóɖó kà ɔ nyuɛ ma kà cɛ̃ɛ kɛ. Ɓě dyi, ɓɛ́ ɓě ké dɛ̀ ɔ xwɛ́ɔ̀ nì ma kà kɛɛ dyé

Púɛɛ, Jízɛ̀ cɛ̃ɛ ma wa gbo, ké ɔ ɖá, “Ɓěǐn ɖá ɓɛ́ ɓě ké fɛ̃̀ìn. Ɓě mu, ɓɛ́ ɓě kéɛ ní ɖeín-nà-nyɔ̀ ɓěɔ̀ gbo cɛ̃, ɓɛ́ wa ké ɖé Gáɖàɖíì-ɓòɖòɔ̀ kɔ̃ mu. Ɖéɛ̀ wa mu ḿ dyéìn.”

Ké sáa-zà-nyɔ̀ kpa ɖɛ ɓěɔ̀ kè Júù-nyɔ̀ vɛ̀nɛ̀ ɓěɔ̀ poìn ma dyí, ké wa sɔ́ɔ ma dyí. Ké wa nyí ma sójà ɓěɔ̀ wíɖí-kpò, ké wa cɛ̃ɛ ma wa gbo, ké wa ɖá, “Ɓě mɛ cɛ̃ɛ, ɓɛ́ ɓě ké níiń, ‘Ɔ ɖeín-nà-nyɔ̀ ɓěɔ̀ dyi máaún ti ɓɛ́ à nì mɔ́uń wɛ̃ɛ, ké wa kpa ɔ xwɛ́ɔ̀.’ Páɖè dyi ɖɛ nìà kɛ jè wɔ̃́ ní, à kèɔ̀ kè mu wùɖùùn, ké ɖɛ ɖò se ɓě gbo kpáa mu.” Ké sójà ɓěɔ̀ ɖú ma wíɖíɔ̀ dyí, ké wa nyu ɖɛ ɓɛ́ wa cɛ̃ ma kà wa gboɛ. Ké ɖɛ nìà kɛ mɔ̀ ɖɛ ɓeìn ma ɖé Júù-nyɔ̀ ɓěɔ̀ hwìɛ̀ dyi, ké kǎà ɔ nì ke ɓó zɛ̃̌ɛ̀.