Priljubljene svetopisemske vrstice iz Hágàì 2

Deli

Gbǒ ɖìè nìà kɛ nììn dĩ́ín-dĩ̀ìnɔ̀ mu kpéín ɓúáùn, ɓɛ́ ɔ ké gbǒ nìǒ zɔ̃̌ɔ̀ kà kĩ́ín nyɛɛ dyí zi. Ké ní mu gìɖìǐ dà pá nìà kɛ mú tòùn. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.” ’ ”

Ní mu ɓóɖó-dù séín dyi túòùn, ké wa mu waà kɔ́mɔ́-ɖɛ̀ ɓěɔ̀ nɔ̄ dyàùn. Ké ní mu ní dĩ́ín-dĩ̀ìnɔ̀ gbǒ nìà kɛ múin dyíìn.

Kɛɛ wɛ̃́ɛ́ kɛɛ, Zɛ̀wáɖáɓèɓò, m̀ kè Jasúé mɔ̀à Jɛ̀hózàɖàà dyú-gàà, ɓɛ́ ɔ mɔ̀à sáa-zà-nyɔ̀ vɛ̀nɛ̀ɔ̀ kɛ ɔ kè nyɔ tɔ̀ɔ̀ ɓěɔ̀ kɛɛ, ɓě ku dúún, ɓɛ́ ɓě ké kũ̀àɔ̀ nyu, sepóɛɖé ḿ nì ɓó ɓě gbo.

Ḿ ɖǎ ma ɓě ɖɛ nìà kɛ nyɛ́nɛ́ín ɖáìn kĩ́ín, ti ɓɛ́ ɓě sɔ̀ ma kà ɖé Íjè-ɓòɖòɔ̀ kɔ̃ɛ. Ní Zùùɔ̀ nì ɓó ɓě hwìɛ̀ kánáá pū. Ɔ jèɛɛ, ɓě ɓɔ́ fɛ̃̀ìn. Mɔ̄ Bounɓo mɔ̀ nyɔ nìà ɖɛ séín kɔ̃in nyɛɛ mɔ̀ nyɔ cɛ̃à kɛ̀.