Priljubljene svetopisemske vrstice iz Ɛ́séɖɔ̀ 15

Deli

Ɔ cɛ̃ɛ ma wa gbo, ké ɔ ɖá, “Ɔ jǔ ké ɓě dyi mɔ̄ mɔ̀à Bounɓo mɔ̀à ɓěɛ̀ Gèɖèpɔ́ɔ̀ kɛɛ wuɖu ɓěɔ̀ ɖùǔ gbo tò nɔ̀mɔ̀ dyíin, ké ɓě dyi ɖɛ sɛ́ɖɛ́ìn dyí ɖé ḿ dyéɖéín nyɛɛ nyu, ké ɓě dyi ní gma séín ɓěɔ̀ dyi kpɔ̃ ní, nìí, ḿ se wɛ́ ɓě ɓɛ́ ḿ dyà ma kà Íjè-nyɔ̀ ɓěɔ̀ kɔ̃ɛɛ ɖò ɓě kɔ̃ dyàǎ mu, sepóɛɖé mɔ̄ mɔ̀à ɓě dyi-kánáìn-nyɔ̀ kɛ̀.”

Bounɓoɔ̀ mɔ̀ ní vɔ̃̀ìn dyúa, ké ní mu ɔ wɛ́ɖɛ́ dyi ɓèɖèìn. Ɔ mɔ̀ ní póìn-nyɔ̀. Ɔ mɔ̀ ní Gèɖèpɔ́ɔ̀ jèɛɛ, ní mu ɔ ɓàìn. Ɔ mɔ̀ ḿ ɓǎà Gèɖèpɔ́ɔ̀ jèɛɛ, ní mu ɔ dya dèìn.

“Óó Bounɓo, nyɛ́ nì ɖé gèɖèpɔ́ɔ̀ ɓěɔ̀ hwìɛ̀ kà m̀ nìà kɛɛ kɛ́? Nyɛ́ m̀ kèɔ̀ kè ɓɛ́ìn wɔ̃ kɛ́? Nyɛ́ hwɛ̀ mú mìɔ, ké ɔ gã̌, ké ɔ nyu zɛ̃̀ìn-ɖɛ̀ ɓě kɛ́?

“Nì mu nyɔ ɓě ɓɛ́ m̀ ɖǎ póìn nyɛɛ nàìn ɓó nì ɖɛ̀ɓɛ̀ǐn-ɖɛ̀ɓɛ̀ǐn se-sèìn-naín-kɔ̃̀ɔ̀ jè. Nì mu wa nàìn ɖé nì kpéɔ̀ mú, ɓɛ́ m̀ ké wa nì cĩ́-naín hwɛ̀ǐn-hwɛ̀ǐn mɔ̀à nyɛ́nɛ́ín-ɖáìn-ɓòɖòɔ̀ kɛɛ mú kpa.

Ké wa nyini ma ɓó pá ɖò kɔ̃̀ nyɛ́nɛ́ mɔ̀ Máwàɖàà kɛɛ mú, ké wa se ma ní nì ɓóɛɛ náa ɓɛ́ìn, sepóɛɖé níɔ̀ nɛɛ̀ ma ní. Ɖɛ nìà kɛ jè wa jǔìn ma kà pá nìà kɛ Máwàɖàà-nyɛ̀nɛ̀ɔ̀ kĩ́ín nyɛ̀. Sepóɛɖé níɔ̀ nɛɛ̀ ma jèɛɛ, nyɔ ɓěɔ̀ ɖú ma Mózè dúi jɛ̀ìn kpàǐ, ké wa ɖá, “Ɖɛ́ à mu náùn wɛ̃́?” Hwɛ̀ ké Mózè pòìn ma Bounɓoɔ̀ kpéi, ké Bounɓoɔ̀ zàìn ma ɔ cu ɖò da. Ké Mózè ɖú ma cuɔ̀ dyí, ké ɔ poɛ ma níɔ̀ kɔ̃. Púɛɛ, nyɔ ɓěɔ̀ ɓɛ́ìn ma níɔ̀ náa. Ɓó pá nìà kɛ mú, ɓóɛ̀ Bounɓoɔ̀ nyí ma wa gma ɓě, ké ɓóɛ̀ Bounɓoɔ̀ dɔ̃̌ìn ma wa mú.