Priljubljene svetopisemske vrstice iz Josuee̱ 6

Deli

Kósꞌe̱ Néná, bi̱ katsoó Josuee̱: Ngi̱ya ndse̱ ji tjítsꞌenkꞌasꞌien an na̱xi̱ńdáꞌniú Jerikoo̱, ko̱jo nda̱ ree̱, ko̱jo jájún xi chꞌokon ngasee̱.

Kó kjiꞌanga kui jaá sa̱ꞌínkjanie ndojó ndojó ndi̱ja̱a̱ kui cho̱tsa̱nga̱a̱, ngije ko̱nda̱ꞌyájnúu̱, ngayeje xota̱ na̱xi̱ńdaá ꞌniú skja̱ndáyà, kósꞌe̱ xoó na̱xi̱ńdáꞌniuú ku̱i̱xo̱ndò, kósꞌe̱ kjiꞌá boá nga xota̱ na̱xi̱ńdaá ka̱ma ko̱e̱je̱nijíngí xtji̱e̱e̱n kje̱n kui ngi̱ndiee̱.

Kuíni nga ji ko̱jo jájúu̱n ku̱i̱tjatjíyajónjnúu̱ na̱xi̱ńdáꞌniuú ngo ndi̱yà ndyiojón ndyiojón, ngaskande xi ma jun ni̱xtjii̱n.

Kó yito já chináꞌmii̱ tsjiéntjoón koxa̱a̱ kjo̱a̱ꞌbíndaa̱, xi ko̱a̱ꞌa̱ yito tjio xi ndi̱ja̱a̱ cho̱tsa̱nga̱ xi jaꞌatji ndi̱ja̱a̱ kamándani. Xi ma yitoo̱ ni̱xtjin, ngayeje kui xotaa̱, yito ndi̱yà kjo̱a̱ꞌatjiyajoo̱n na̱xi̱ńdáꞌniuú, tji̱e̱nga já chináꞌmii̱ sa̱ꞌínkjanie tjioo̱.

Kó ta̱ngatꞌanii̱ nga kandakonni xota̱ Israee̱l, achichí nda ikꞌíchjá nga̱ntjo̱a̱ jee̱ na̱xi̱ńdáꞌniú Jerikoo̱, kó ta̱ꞌyajínni xi kamá tsꞌasꞌien ko̱jo tsi kamá jatjoni kui na̱xi̱ńdáꞌniuú.

Kó xi ma yitoo̱ ndi̱yà nga ndyi̱foaꞌatjiyajoo̱n, tji̱e̱nga já chináꞌmii̱ ndyi̱tsꞌènkjánié tjioo̱, Josuee̱, bi̱ katsoó xota̱ na̱xi̱ńdaá: ¡ꞌNiú chaꞌayàjnú ꞌne̱! ¡Ngatꞌa̱ Néná jè katsꞌénkꞌasꞌienná kuí na̱xi̱ńdáꞌniuú!

Na̱xi̱ńdáꞌniuú ko̱jo ngayeje xota̱ na̱xi̱ńdaá si̱ꞌankjie yejé, xikoó tsi ngo kjo̱a̱tjó xi si̱ꞌankꞌasꞌiee̱n Néná. Ta̱kuítsí na̱masien Raa̱b ko̱jo xota̱ xi síndo ndiꞌaa̱ xi kꞌuíndo ngase, ngatꞌa̱ kuí boá xi katsꞌénngaꞌma xota̱ xi kanangiya ñá nga kijíkatsijenꞌmaá.